Sugilanon: Ang asawang bagets

"Pa, nganong wala pa man mouli si mama Inez sa ato?"

"Bisi kaayo si mama mo didto sa isla, Day Belen," tubag ni Rentor nga giluom lang ang kasakit sa iyang dughan.

Nasayod siya sa hinungdan, ug dili niya mabasul ang iyang asawa kay siya man ang nangitag paagi nga maminyo sila. Midailos ang iyang mga luha nga nahinumdom sa nangagi.

"Katiguwang na nimo, kahimo ka pa kaha?" matud ni Inez.

"Nganong dili? Hinayhinayon ta lang god," ni Rentor pa naglugos na makaarangkada.

"Naunsa ba na oy?" ni Inez pa nga naglagot na kay dugay mibarog ang kang Rentor, ug mangluod sab dayon.

"Pastilan sab ning akoa oy, bisan ihandos moatras man hinuon," matud niya sa kaugalingon.

Nahinumdom pa siya sa usa ka bulanon nga gabii nga nanghigda sila sa mga balili sa may pangpang. Napukaw ang iyang pagkalalaki sa dihang nakuptan ni Inez ang iyang puan. Ug nahitabo gayud ang di lalim nga kakutas sa pag-ugbok sa himaya.

Mialibwag ang diwa ni Rentor sa dihang nabati ang kalangis sa tagawtaw sa iyang inahan.

"Rentor! Nahibawo ka ba kun hain ang imong asawa? Tua sa iyang kabit nga batan-on."

"Unya, misaka nga naghangos ang bata, "Papa! Nakit-an nako si mama nga nagbarog didto sa pangpang."

"Anak, pasagdi si mama mo nga mobalik dinhi sa iyang kabubut-on," ni Rentor nga mihapuhap sa bata.

Niapas diay ang kabit sa iyang asawa nga adis, dayong kulata niini kang Ines nga napuno sa bun-og. Apan nadakin-as kini ug nahulog sa pangpang nga maoy gikamatay niini. Ug unya midagan si Inez paingon sa ilang Rentor.

"Huh! Huh!" Mibakho kini. "Rentor, pasayloa ko," ni Inez pa nga hilabihang nagbasul."Nasayop ako, nako ba nga igo na ang lawasnong kalipay nga matagamtam ko. Apan dili diay kay ang gipakita nga pagmahal sa akong kabit mao man ang kasilag nga kanunay nga pagbun-og kanako."

Naluoy nga nagtan-aw si Rentor kang Inez nga migakos sa tumang kaparaygon. "Unya, Day Inez, di na man ko kahatag sa imong katagbawan."

"Sige lang, bisan hinayhinayon pa basta tagbawa lang ko sa imong pagpangga," ni Inez pa nga malipayon na.

Ug nagginaksanay sila nga si Rentor ingon sa nabatan-on tungod sa iyang asawang bagets. (Katapusan)