Kamatayon sa Panumpa

Gula 1

Sulod sa mabugnaw’ng lawak sa usa ka hotel nga nahimutang sa downtown area sa dakbayan sa Sugbo mabati ang hangos ug agumod sa duha ka binuhat nga mainitong nagsawo sa pagtagay sa kalalim sa lawasnong kalipay.

Tugob sa sensasyon ang lawasnong panagtagbo nila ni Xenia ug Kendall. Lihokan na kaayo ang lawas sa lalaki nga nag-ubo sa ibabaw sa lawas sa naghayang nga babaye. Nagpabatang sab si Xenia sa ilawom sa lalaki.

Dugay nang nagtinguha si Kendall pag-angkon sa pagka-babaye ni Xenia. Apan kanunay mobalibad si Xenia. Dili gayod kini magpadala sa kainit sa ilang romansa. Girespetohan sab ni Kendall ang pagbalibad ni Xenia.

Apan karon nga molarga na si Kendall paingon sa gawas sa nasod aron manarbaho, wala na makabalibad si Xenia sa pabor nga gipangayo niini kaniya -- nga ilang buhaton ang buhat sa magtiayon aron pagseguro nga sila na gayod ang magkadayon bisan pag magkalagyo sila sa usa’g-usa.

Walay reserbasyon si Xenia sa iyang pagtahan sa iyang kaugalingon ngadto kang Kendall. Misalig siya sa iyang hinigugma. Misalig siya sa kaligdong sa ilang mga panumpa nga kamatayon ray makabugto sa ilang pagminahalay ug paghinigugmaay. -- Sumpayan pa