“Mora ka man diay’g nakabunal og Insek, Partner,” nagkanayon si Mr. Niel Atuel, ang CEO sa kompaniya, ang gikadungan nila ni Urielle ug Patrick sa pagpangaon sa usa ka lamesa. Si Mr. Atuel wala makatambong sa ilang kasal.
“Nganong nakasulti ka man niana, Partner,” Sukit ni Patrick nga milaksi sa panit sa inasal nga gihamyang sa lamesa. “Tungod kay guwapa ka man diay kaayo’g asawa,” ni Mr. Atuel pa.
“Ikahibulong pa ba gud kana,” ni Patrick pa, “nga guwapo man sab ko?” “Mao lagi. Pero mora man og wala ka makamaong mipahimulos sa higayon?”
“Unsay buot mong ipasabot, Partner?”
“Mora man og nagsige ka lang tingalig hagok? Kay hangtod karon, akong namatikdan nga mora’g wala pa gyuy bulinga kining imong misis.”
Si Urielle nga nagpaminaw lang sa panagsulti sa duha, nahimuot sa hilom. Kay dili lang hagok ang gihimo ni Patrick. Naglain pa gayod kini og katulganan, ingon sa naglikay kaniya.
Paspasi og diyotay, Partner,” nagkanayon si Mr. Atuel. “Niining kaguwapa sa imong misis, angay mo siyang paanakon og kadaghan.”
“Sagdi lang, Partner,” ni Patrick pa nga mipasaklap kaniya. “Moabot ra lagi kanang higayona. Sa pagkakaron, dili pa ready si Misis.” -- Sumpayan pa