Manyak - Gula 1

Tulo na ka gabii nga wala g’yuy palta si Fermo pag-adto sa Sanciangko’s Wildflower, ang sikat nga bar diha sa dalan Sanciangko, human niya makaila si Rowena.

Nadani si Fermo kang Rowena kay iyang natan-aw nga buotan kini apan bigay kaayo kaniya. Bag-o pa nga nagtrabaho si Rowena isip usa sa mga entertainers sa Sanciangko’s Wilflower.

Niadtong unang gabii sa pagkakita niya ni Fermo hilomon kaayo ang lalaki nga naglingkod didto sa daplin nga lamesa samtang nagtan-aw sa mga dancers.

Gi-request siya ni Fermo nga itibol ug kay maayo man nga moabi-abi og customer si Rowena, dali ra niya nga nadani ang pagtagad sa lalaki.

“Mahimo ba og motupad ka kanako paglingkod?” hangyo ni Fermo sa batan-ong dancer. “Sure, why not, tupad ra man kaha,” matud sa dancer.

Giorderan og ladies drink ni Fermo si Rowena, usa g’yud ka botelya. Tumong ni Fermo nga dili mobiya pag-entertain kaniya ang dancer.

Apan dili gusto nga maalkanse si Fermo sa iyang gasto. Gipahimuslan niya kini pinaagi sa paggakus ug paghawok sa dancer. Usahay molikay si Rowena kay bisan og may pagka ngitngit ang sulod sa bar, makita gihapon sila.

“Sir, duna man ta’y private room sa taas kun gusto ka. Konsyumabol man didto ang kantidad sa Room, maayo kay makalugar ka g’yud, dili magpanagana ang imong partner,” matud sa bayot nga floor manager nga si Ronnie.

Gisukna ni Fermo si Rowena kun mosugot ba siya nga mamalhin sila sa private room. “Ok, pero kinahanglan ra ba nga kada tunga sa oras dunay ladies drink ang babaye didto,” pahimangno ni Rowena kang Fermo.

“No problem, paandaman tika daan og upat ka ladies drink para wala nay magsamok-samok nato,” dali nga tubag ni Fermo. Lain na og tumong si Fermo, gusto niya nga tilawan g’yud ang dugam-is ni Rowena niining higayona.

Dali ra sila nga nakabalhin. Usa ka waiter maoy mibalhin sa ilang mainom ug dihang naandam na, gisinyasan dayon sila sa floor manager. “Ok na ang private room Sir.” Sekreto ang pultahan paingon sa taas. Nahimutang kini sa ngitngit nga bahin kilid sa pansayan. Dunay nagtabon nga kurtina ug walay gunitanan ang pultahan, iduot lang og maabli na kini.

“Amo ni nga gituyo Sir kay aron nga kun dunay mga polis nga mang-raid, dili dayon makasakop kay dili man klaro ang pultahan,” matud ni Ronnie nga mihatud kanila sa private room.

Gi-lock dayon ni Fermo ang pultahan sa private room dihang nakasulod na sila ug wala maglangan giromansa si Rowena. Gipahigda niya kini sa sopa ug giukoban ang mga ngabil samtang ang mga kamot didto motugpa sa bilahan. (Sumpayan)