Hinog sa punoan

Gula 67

Ang text ni Patrick nagkanayon: “If u could b a part of my body I want u 2 b my heart becoz I want u 2 b da cnter of all my emotions and b d last 2 beat when I’m gone.”

Nahimuot siyang nagbasa sa text ni Patrick. Ginindotan siya sa mensahe nga gipadala niini kaniya. Nabatyagan ni Urielle nga mora’g may bahin sa iyang kahiladman nga natukbil sa maong mga pulong.

Gi-reply niya ang text message ni Patrick: “Nice message.”

Gibutang na usab pagbalik ni Urielle ang iyang cellphone ibabaw sa lamesita human niya ika-send ang iyang reply sa text ni Patrick kaniya. Mipitokpitok ang iyang mga mata nga mitutok sa kisame.

Subling mitingog ang message alert tone sa cellphone ni Urielle. Iya dayon kining gipunit kay nakaseguro siyang si Patrick na usab ang nag-text. Tuod, wala gayod siya masayop. Gikan gayod kang Patrick ang text. Iya dayon kining gibasa kay naghinamhinam siyang masayod sa unod sa text niini.

Ang text nag-ingon: “If one star will fall everytyme I miss u, all stars will be out of d sky by now. So if ever there will be no more stars tonite, it’s bcoz of u...bcoz u made me miss u so much.”

“Thank you,” gi-reply ni Urielle ang message ni Patrick. -- Sumpayan pa