Ang mahal niyang si Leonora

Nivel Hills, Cebu City

Sekyu si Paking sa Luneta ug pang-gabii ang iyang trabaho sa may likod sa dakong bilding sa gobyerno. Usa pa lang ka bulan siyang nabalik gikan sa Cebu kay namatay ang iyang asawa nga si Leonora.

"Leonora! Leonora! Mahal ko ikaw, Leonora og dili ko ikaw basta na lang hikalimtan," nagyamyam na usab si Paking og tungang gabii.

Ingon niini si Paking, kanunay naghandom sa namatay nga asawa. Iya kanang buhaton sa lawom na ang gabii nga wala nay tawo makadungog o makamatikod kaniya. Apan usa ka gabii niana human siya magyamyam sa ngalan ni Leonora, may mitubag kaniya.

"Nia ra ako, Paking sa imong likoran."

"Milingi si Paking, "Huh! Sino ka?"

"Ako si Leonora, Paking."

"Pero patay na si Leonora nga akong asawa."

"Apan nabuhi ako tungod sa gugma mo kanako, Paking."

Sukad niadto kanunay nang kauban ni Paking si Leonora sa iyang puwesto isip sekyu.

Pila ka adlaw ang milabay, "Paking, nagluspad ka man," matud sa iyang karelibo nga Bisaya sad. May pinaakan ka sab sa liog. Tan-awon ko bi. Uy! Agi man ni og tango, Bay, sama sa pinaakan sa bampira. Wa kay kauban dinhi, magabii, Bay?"

"Wa man."

"Sulti sa tinuod, Bay, kay duna ra bay mag-anhian nga babaye, Bay, may nag-ingon nga bampira kuno."

"Duna bitaw mag-anhian dinhi, Bay."

"Pabalhin sa adlaw, Bay, kay tingali'g mahutdan ka's dugo."

Wala na motunga si Paking nianang gabhiona kay nagpabalhin na siya og laing puwesto nga pang-adlaw. (Katapusan)