Hinog sa punoan

Gula 62

“C-cellphone?” Tuaw-sukot ni Urielle.

“Imo na kana,” ni Patrick pa. “Gikinahanglan mo kana aron magkakontakay kita kanunay.”

“Thank you, Patrick.”

“It’s alright.”

Nianang pagkabuntag, lain ang pamatyag ni Urielle sa iyang lawas. Gibati niya ang kaluya. Labad ang iyang ulo. Molugos unta siya pagbangon aron paghikay sa pamahaw kay mosayo ra ba si Patrick paglakaw paingon sa trabaho. Apan gipiog siya sa kaluya.

Wala madugay dihay nanuktok sa pultahan sa iyang lawak.

“S-su’d lang,” nagsaguyod sa kaluya ang iyang tingog. “Abiyerto kana.”

Natukas ang palid sa pultahan ug nakita niya nga misulod si Patrick. Miduol kini kaniya nga nagpabilin pang naghigda.

“Andam na ang pamahaw,” ni Patrick pa.

“I-ikaw ang naghikay?” Sukit ni Urielle.

“Oo. Kay wa ka man makamata og sayo.”

“S-sorry...”

“No, it’s okey,” ni Patrick pa. “Yuna, unsa bay nahitabo nimo?” Mora’g nakamatikod na ang lalaki sa iyang kahimtang.

“L-lain ang akong pamati sa akong lawas,” maluyahong mitubag si Urielle. Mora ko’g kahilantanon.”

“Uy,” sa lalaki pa nga ingon sa mibati’g kabalaka. “Maayo tingali nga madala ka og doktor.” -- Sumpayan pa