Nahinaykan ang paglihi sa Bag-ong Tuig

Way maayong kinatulgan si Noring nga nagpaabot sa pag-abot sa Bag-ong Tuig. Kinsa man sad god ang makatulog og sayo, nga ang kasibaw sa kasaba ug kalanog sa paboto nga nasawod sa iyang dunggan mao man ang kanunay niyang hibatian.

"Naunsa god ka Masyong, wa ka man magpakabana nga alas dose na ang takna diin atong sugaton sa dakong kamaya ang Bag-ong Tuig?" sagol pinaluray ang ganay sa sinultihan ni Noring.

"Soloha lang Noring, kon ganahan ka," giingon sa gisapot si Masyong nga gialimungawan.

Ang tinuod ... nagdugo gayod ang kasingkasing ni Masyong sa gibahad kaniya ni Noring kagabii diin kini nagkanayon.

"Kuydawo Masyong nga imo na usab akong digamuhon atol ning pag-abot sa Bag-ong Tuig karong gabhiona!"

Nahiubos gayod si Masyong, sa gipamulong sa iyang asawa. Sa iyang kalagot mipadayugdog siya paingon sa dagat dala na niya ang iyang kahimanan sa pagpamasol.

Dili man god ikalimod, nga nagdako si Masyong sa pagpamasol sukad pa siya nga ulitawo ... hangtud nga naminyo kang Noring ning ilang balangay sa Kapangian nga dili ra usab halayo sa may baybayon sa lungsod sa San Fernando.

"Sionggggg .... asaaaaaa mannnn kaaaa paingon?" kalit siya nga gipugngan ni Noring.

"Asa pa kundili ... mamasol!" nagpangagot ang bag-ang ni Masyong.

Ambot unsang pagkaunsaa ... nga giguroy man ni Noring si Masyong sulod sa ilang sibay?

"Siong ... nangluod ka kanako? Sabta intawon ako Siong nga kondili ta magpalihi karong adlaw sa Bag-ong Tuig mosamot kadaghan ang atong buhion?" luhaan ang mata ni Noring.

Wa kini tubaga ni Masyong. Hinuon iyang gihushos ang sayal sa iyang asawa lakip na ang underwear.

"Sigiiii ... tiraaaaa .... Siongggg .... kayyyy basinnnn mahinaykannnn angggg anggggg palihiii taaa saaa Bag-ong Tuig!"

Takulahaw mibanos ang kinagiki sa tagming nga katawa ni Noring, sulod sa ilang sibay.

"Unsaaaa mannnnn Noringgggg .... akoooo kiningggggg .... ibtonnnnn?" nagkanguhal ang sinultihan ni Masyong.

"Ayawwwww intawonnnnnnn .... Masyonggggg!" nagkayuring si Noring. (Kataposan)