Gula 42
Wala makatingog si Urielle. Nahitalunoy siya sa gisulti ni Nelson kaniya.
“May panahon pa, Urielle,” ni Nelson pa. “Hatagan nato’g katumanan ang atong gugma.”
“Wa nay kahigayonan, Nelson.”
“Aduna, Urielle. Kun tinuod kang nahigugma kanako, hatagan ta’g katumanan ang atong gugma.”
“U-unsay buot mong ipasabot?”
“Magtaban ta, Urielle.”
“U-unsa?”
“Mao ra kini ang bugtong paagi nga dili ka mapugos sa pagpakasal ngadto kang Patrick. Magtaban ta. Mamiya kita ning dapita. Moadto kita sa dapit nga dili na sila makatultol kanato. Gimahal ko ikaw, Urielle. Dili ko makatugot nga mapanag-iya ka sa lain.”
“Gimahal ko usab ikaw, Nelson.”
“Kun mao kana, ayaw pakasli si Patrick tungod kay dili siya ang lalaki nga angay kanimo. Kita ang alang sa usa’g-usa. Busa magtaban ta.”
Daklit nga naghunahuna si Urielle. Gipamalandongan niya ang gisulti ni Nelson. Gitimbangtimbang niya’g maayo kun angay ba siyang mosanong niini.
“Unsa na, Urielle?” Misukna si Nelson pagkilab sa pipila ka daklit. “Mosugot ka ba nga magtaban ta?”
“G-gikasubo ko, Nelson,” ni Urielle pa. “Pero dili ko makakuyog nimo.” -- Sumpayan pa