Nabantayan ni Mar nga basa na kaayo ang ganghaan sa langub.
Gihukas dayon niya ang iyang brief og gitapuk-an ang naghayang nga paraygong dalaga.
Wala gayud magtoo si Mar nga ang pagtudlo niya ni Carmen pagmaneho og motorsiklo mosangpot nga magkadulog sila karon sa kama.
Init kaayo ang ilawom sa langub nga nasudlan ni Mar mao nga dali ra kaayo nga mibuhagay ang iyang singot. Nahuman gayud ang ilang kumbati sa kama nga tugob sa kalalim ang iyang gibati.
Human sa ilang kumbati ug pagparayganay sa kama. “Binuangan gani ko nimo Kuya Mar maghikog g’yud ko.”
Gikuyawan kaayo si Mar sa maong gisulti ni Carmen. Basin tuod og maghikog kini human sa nahitabo kanila. Gihatagan ra ba kini niya og calling card ug sigurado nga siya maimbistigar.
Mga alas kwatro na sa kaadlawon nga nanggawas sila sa motel. Gihatud ni Mar si Carmen sa iyang gipuy-an diha sa dalan Manalili.
Sunod gabii, miadto si Carmen sa sibyaanan nga gialagaran ni Mar atul sa iyang programa, apan mibiya dayon kini human sa programa.
Gikan niadto, wala na kini manawag pa sa announcer. Nahibulong si Mar kun ngano. Paglabay sa usa ka semana, gitawag ni Mar sa iyang apartment si Carmen.
Yano lang ang ilang gipakigsultihan, walay labut sa nahitabo kanila. Nabana-bana ni Mar nga ang pagtugyan kaniya ni Carmen sa iyang pagka babaye mao lay bayad sa pagtudlo niya’g drive.
Milabay ang mga adlaw, usa ka Domingo. Daghang mga tigpaminaw ug fans ni Mar miadto sa estasyon. Nabatasan na ni Mar nga usahay mogakus ni bisan kinsa sa iyang mga tigpaminaw pagpaila nga gimahal niya sila. Kini maoy rason nga dulot sa bukog ang pagpangga kaniya sa iyang mga tigpaminaw.
Domingo sa gabii, gitawag si Mar sa technician. “Mar telepono!”
Nasurpresa si Mar kay si Clea ang nanawag. Nagkita pa gani sila ganina ug gipig-it pa niya ang kamot niini isip pagpaila nga nalipay siya nga mibisita kini sa estasyon.
“Kuya Mar, mahimong mangutana?,” matud ni Clea, nga miangkong 18-anyos pa ang pangedaron.
Unsa may ipapangutana nimo Day, Clea,” dali nga tubag ni Mar. “Nganong imo man nga gipig-it ang akong kamot ganina paglamano nato Kuya?” gisukna ni Clea ang announcer. “Ha? Wa- la ra Day, natural ra kadto kay pagpaila nga pinangga ko kamong akong mga tigpaminaw.”
Apan miinsistir gayud si Clea nga duna kadto’y lain nga kahulogan. “Dili g’yud kuya, nagtoo g’yud ko nga duna toy laing gipasabot nimo ang pagpig-it sa akong kamot.”
Nakahuna-huna si Mar nga komedyahan niya si Clea. “Bitaw kuan Day, I love you.” (Sumpayan pa)