Tsiks killer

Gula  5

Human ikaparking ni Mar ang motor, nanulod dayon sila sa room.

Naghinam-hinam si Mar. Milingkud dayon si Carmen sa ngilit sa kama samtang si Mar pabilin nga nagbarug ug nagsud-ong sa maanyag kaayong dagway sa dalaga.

“Uy, naunsa ka uy, sigi ka man gud og tan-aw nako,” paraygon kaayo ang pagkasulti ni Carmen nga migunit sa kamot ni Mar.

Gihinay’g bira ni Carmen ang kamot ni Mar nga daw iya na nga giagni nga sugdan na nila ang kumbati sa kama. “O, gusto ka man kaha nga mo-kiss nako, kiss na.”

Hinay nga gipahigda ni Mar si Carmen sa kama ug gihap-an. Giukoban dayon niya ang mga ngabil sa dalaga ug nagsugod pagpanghiram ang iyang mga kamot sa kalawasan sa paraygon nga si Carmen.

“Agay, gilokkk, ay kagilokkk,” naghiko-hiko si Carmen sa kagilok dihang gipagilokan ni Mar ang iyang liog. Misamot ang gana ni Mar pagromansa sa dalaga kay humot g’yud kini kaayo.

“Gisingot ra ba ko Kuya Mar,” matud ni Carmen. “Wa uy, humot kaayo ka mao nga ganahan kaayo ko nga mo-kiss nimo.”

Ang pagpanghiram ni Mar miabut na sa pus-on ni Carmen ug sa labing pribadong parte sa lawas sa dalaga.

“O, kiss ra baya tong imong giingon ha, milapas ka na Kuya Mar,” matud ni Carmen. Apan wala motingog si Mar ug giukoban hinoon niya pag-ayo ang ngabil sa paraygon.

Ning higayuna wala makabantay si Mar nga mituskig na diay kaayo ang iyang armas. Daw nagpanikad na kini og gustong molighot pagawas ilawom sa iyang karsones.

“Huboa na lang imong karsones bi, sakit kaayo na nga mobag-id sa akong bilahan. Nganong gahi man kaayo na?” daw misamot ang kaparaygon ni Carmen.

Dali kaayo nga nakahukas si Mar sa iyang karsones. Iya ra gani kining giitsa ang hinubo didto sa sopa. Gisunod niya paghukas ang iyang T-shirt.

Brief na lang ang nahabilin nga gisul-ob ni Mar. Nakita niya nga naghukas usab si Carmen sa gisul-ob niining karsones, T-shirt, apan gibilin ang nipis nga panapton.

Gibalikan ni Mar pag-ukob ang ngabil sa dalaga. Daw buot niya kini nga tupsan sa laway. Dayon gipaaginod ni Mar ang paghawok ngadto sa liog, ug nanaug ngadto sa dughan.

Ang giukoban ni Mar mao na usab ang tumoy sa duha ka bulkan sa dughan ni Carmen. Wala makapugong si Carmen sa paglit-ad ug pag-agulo sa kagilok.

Abtik usab kaayo ang tuo nga kamot ni Mar mihukas sa nipis nga panapton nga gisul-ob ni Carmen isip tabon sa labing pribadong parte sa iyang lawas. (Sumpayan pa)