Call girl

Gula 2

Nagtinutokay sila si Vanessa ug ang Amerkano nga gustong makig-date kaniya.

“Will you accept my invitation for a date?,” giingnan ni Nichol ang call girl nga si Vanessa.

Mingisi lang si Vannesa ug sa kalma nga pagkasulti miingon “How much? Can you afford to pay me ten thousand pesos? If not, just look for another partner.”

Walay pupamilok si Nichol nga misud-ong sa tibuok lawas ni Vanessa. Mora’g gihuboan sa Amerkano si Vannesa pinaagi sa iyang tinan-awan. Dayon mitangdo ug miingon “Okay, no problem, I will give you the amount.”

Sigurista kaayo si Vanessa ilabi na og mga langyaw ang iyang customer. “Can you give me the amount in advance? I will give the money to my parents before we will proceed to our date tonight.”

Mikuot ang Amerkano sa iyang bulsa. Nakita ni Vanessa nga daghan og kwarta ang langyaw, sagul dolyar ang kwarta niini diha sa iyang pitaka. Gitunol dayon kaniya ang napulo ka tag P1,000 nga papel de bangko.

“Okay, we can go now but we will drop by first in my house,” giingnan ni Vanessa ang Amerkano. Misakay dayon sila’g taksi. “Dong adto usa ta sa Echavez Street,” giingnan ni Vanessa ang taksi drayber.

Sayud si Vanessa nga dili siya makalahutay og ininglisay sa Amerkano apan sigurado siya nga magkasinabtanay ra sab sila. Nasabtan man usab niya nga dili usab kaayo maayo’g English grammar ang Amerkano.

Dayon gipahunong ni Vanessa ang taksi drayber tungod sa usa ka dili kaayo daku nga balay. Nanuktok si Vanessa ug diha’y hamtung na nga babaye nga miabli. May gitunol si Vanessa ug dayon mibalik sa taksi.

“Driver, you can proceed now to Marco Polo Hotel,” giingnan sa Amerkano ang drayber. Gitug-anan ni Nichol si Vanessa nga anaa siya mag-estar sa Marco Polo ug hangtud pa siya sa Disyembre 15 nga moestar dinhi sa Sugbo.

Unang higayon pa kini ni Vanessa nga gidala siya’g first class nga hotel sa iyang customer. Ang uban dad-on ra man siya sa Q3 motel ug sa Jack Court motel sa Subangdaku.

Pagsulod nila sa kwarto, nakita ni Vanessa nga hamugaway kaayo ang kwarto nga gikuha ni Nichol. 

 Gisugdan dayon ni Vanessa ang pagpalami sa iyang customer. Siya na ang mihukas sa gisul-ob niini nga T-shirt. Bus-ok kaayo ang dughan sa Amerkano nga sa iyang tan-aw mga 45 anyos pa tingali ang pangedaron.

Kini pa ang unang higayon nga makatilaw si Vanessa ug langyaw gikan sa pagsulod niya sa panginabuhi pagka call girl. – Sumpayan pa