Nangala og ulo sa kugita

Halawom nang gabii nga nahiabot si Pikto sa ilang payag nga dili halayo sa baybayon, ning lungsod sa San Fernando. Gibati siya og kahaw-ang, ilabi na nga bisan usa nalang ka buok kugita, wa gayod siya’y kuha gikan sa iyang pagpamana.

Hilabihan man god kalubog ang dagat gumikan sa hinungaw sa bagyong Basyang.

"Unsa goy nahitabo kanimo Oprit nga nagpunay ka man og digwa ug mosuka?" nakapangutana siya sa iyang asawa. Tangkod pa man lang god nga duha ka semana sukad silang duha si Oprit nagtipon isip magtiayon. "Basin nangala ako Pikto?" mubong tubag ni Oprit.

"Kaayo god nianang balitaa!" miyonyon ang tumang kahinangop sa gibati ni Pikto.

"Nanihapon ka na ba? Ug unsa may imong gisuwa?"

Wa siya tubaga ni Oprit. Igo lamang siya gitutokan.

"Dili ako ganahan Pikto, nianang inun-unan nga mulmol nga imong pinanaan!" luhaan ang duha ka mata ni Oprit.

"Mosamot man hinuon kaluod ang akong ginhawaan kun kanang matanga sa isda ang akong isud-an?" Nahitiurok sa makadiyot si Pikto sa iyang gibarogan nga nagsud-ong sa iyang asawa nga nagluspad na ang hitsura.

Wa lang tuyoa ... mipasunding karon sa panumdoman ni Pikto ang kaanyag kanhi nga nahuptan ni Oprit ning ilang dapit sa may balangay sa Tinubdan nga sa iyang nahuptan nga kamaayong laki nga mamana og kugita siya wa dugaya pagsugot ni Oprit diin kini magkanayon.

"Sa panahon unya kun kita managtipon isip magtiayon Pikto, gusto ko nga bisan adlaw-adlaw imo akong pasud-anon og ulo sa kugita gikan sa imong pinanaan!"

Gani, sa una pa lang nga gabii human sa ilang kasal diin ilang gitagbaw ang way tihiktihik nga pagdinimdimay sa saro sa himaya diha may gihagawhaw kaniya ni Oprit nga nagkanayon:

"Pagkalami diay Pikto sa ulo sa imong kugita nga pinanaan kun mo-enter na sa pagsulod sa lungag!" "Unsa man diay ang gusto nimong isud-an karon Oprit nga dili ka man ganahan sa isdang mulmol nga inun-onan?" ni Pikto pa nga gipangutana ang iyang asawa nga nangala. "Gusto ko Pikto ang ulo sa kugita nga nagbitay sa imong bilahan!" daling tubag ni Oprit nga mikupot sa nagbitay nga ulo sa kugita ni Pikto.

Unya ... mibanos ang nagbuy-od nga kahilom. (Kataposan)