Ang grasya ni Temyong ug Iskoy

Nagdali pagmata si Temyong ug nagkuha sa iyang sako aron mamasura. Kini si Temyong taudtaod na sa iyang pagpamasura. Igo na kaayo kaniya nga mahalinan sa iyang pagpamasura og bayenti pesos nga igo na kaayo nga makapalit og tunga sa kilong bugas. Samtang naglakaw siya sa may iskenita nakit-an siya sa iyang suod nga higala.

Bay Temyong asa man ka? Usa ka daklit nga pangutana ni Iskoy nga usa usab ka basurero "Mamasura na sab ko ani bay Iskoy" mubo niyang tubag. Sige bay Temyong hulata ko kay mamasura usab ako. Ug samtang nagpaingon sila sa basurahan magkalingaw usab sila sa panagsultianay.

"Paita bay Iskoy sa atong kinabuhi oi."

"Ngano man bay Temyong? Ah ikapangutana pa ba kana gud bay Iskoy! Syaro og wala ka batia og kapait sa atong kinabuhi nga usa lang kamamasurahay," usa ka tubag ni Temyong nga medyo adunay pagmahay sa iyang kinabuhi."

Bitaw bay Temyong ato nalang dawaton sa walay pagmahay atong kahimtang karon. Ako bitaw Bay Temyong pait kaayo ang among kahimtang si mama Doring grabe kaayo ang gibati niyang ubo," matud pa ni Iskoy.

Ug wala lang nila damha nga sa ilang panagsultianay nahiabot na sila sa basurahan. Medyo mingaw ang basurahan sa ilang pagpamasura kay sila ra man ni Temyong ug Iskoy ang namasura.

"Sige bay Temyong mag- iyahay ta, ikaw adto ka sa atbang ug ako usab adto sa pikas," matud pa ni Iskoy nga nagkapuliki sa pagpunit sa mga basura nga mahalin.

Ug samtang nagkapuliki sa pag-ukay sa basura si Temyong may usa ka gahi nga butang ang iyang nahikapan ug misilaw kini sa kahayag. Dali niyang gitawag si Iskoy.

Bay Iskoy dali ra bay tabangi ko og bira ani puthaw medyo bug-at man," usa ka hangyo ni Temyong ngadto ni Iskoy.

"Hala bay Temyong unsa man ni akong nakita misilaw lage sa kahayag ang puthaw," matud pa ni Iskoy nga nagsiga ang iyang mga mata. "Grasya na bay Iskoy basin og bulawan kini. Bay Iskoy ato lang ihilom ang atong sekreto bay ha kay sigurado nga bulawan kini siya."

Paglabay sa mga katuigan hinay hinay nga nausab ang tagsa tagsa ka kinabuhi ni Iskoy ug Temyong. Si Temyong nakahuman na sa pagtungha ug nakatukod na siya ug kaugalingon niyang negosyo.

Samtang si Iskoy duna na siya'y pamilya ug nakatukod na og usa kanindot nga balay ug duna na siya'y kaugalingon negosyo sama ni Temyong.

Nahalin ang bulawan nga ilang nakuha sa basurahan. Silang duha milyonaryo na. Matag usa kanila may nakuha nga pagtulun-an sa ilang kinabuhi.

Nakaingon sila nga kuna ang tawo andam nga makapaabot sa saktong panahon, ug magpabilin nga mapaubsanon hangtod nga makab-ot ang kalampusan. Kay usa ka matang sa grasya ang gihatag kanila gikan sa kahitas-an nga wala lang nila damha nga makapausab sa ilang kinabuhi gikan sa pagkabasurero ngadto sa pagkanegosyante. (kataposan)