Gula 94
Ang ngalan ni Marjorie nahidugang sa listahan sa mga babayeng akong naibgan nga nahitala sa akong little black book. Makabuang ang katahom ni Marjorie. Susama siya’g panagway ni Monica Belucci.
Si Marjorie ra ang kanunay mahibilin sa ilang balay. Pareho man gud nga nagtrabaho ang iyang kuya ug ate. Siya’y nagbantay sa usa nila ka anak. Gabii nang mamauli ang mga ginikanan sa bata.
Type gyud kaayo nako si Marjorie. Maong kanunay kong mamuso niya, labina gyud kun day off nako ug wala koy laing lingaw. Ug sa matag higayon nga makapamuso ko niya, dili ko gyud kapugngan ang pagduwa sa akong kaugalingon.
Dihay kausa nga nasakpan ko niyang namuso. Labihan nakong ulawa. Pero wala masuko si Marjorie. Iya hinuon kong gitawag. Paadtoon ko niya sa balay nga iyang gipuy-an. Naglibog ko kun unsay iyang tuyo.
Miadto ko’s iyang gipuy-an nga atbang ra sa akong boarding house. Nagsawo ra gani ang balisbisan sa masig namo ka balay. Sa akong pag-abot, iya kong giingnan nga dili ko maglangas kay natulog ang iyang pag-umangkon. Unya gisirad-an niya ang pultahan sa balay. Kalit kong gikulbaan.
Gipangutana ko niya kun nganong nanglili ko niya samtang nag-ilis siya sa iyang kuwarto human og kaligo. Wala ko motingog. Naulaw ko. Pero gipaulian ko ni Marjorie. Niya pa, dili na kuno kinahanglan nga mamuso pa ako kaniya. Mahimo man kunong magsabot mi ug among sulayan ang unsa man nga gusto nakong mahitabo tali kanamo.
Ug daw sa dili ko makatuo dihang miprangka si Marjorie nga type sab diay ko niya. Wala ko makatingog. Igo lang mikatawa si Marjorie. Unya gikabig niya ako paduol kaniya. Misamot ang kakusog sa kulba sa akong dughan. Unya...nag-akob ang among mga ngabil ug nagtinal-opay ang among mga dila sa pinadulot nga hinagkanay. -- Sumpayan pa