Hubag nga dili mohiyos

Sukad lang nabiyuda si Noring, kang anhing Masyong, adlaw-adlaw na kini nga maligo, sa may sapa sa San Isidro, atol og udtong tutok. Dihay kaadlawon, nga kalit lang siya nahigmata sa dihang iyang nahikapan, ubos sa iyang bilahan ang dili ordinaryong kadako sa hubag nga maoy nakaaghat kaniya sa pagtungas sa may bukiran sa Kiwkiw, aron iya kining patuthoan kang Ingko Goyong, ang giilang tadhan nga manunutho og buyag sa dili ingon nato.

Sukad lang god nga nabiyudo si Ingko Goyong, kang anhing Uray Eser, nag-inusara na lang kini og puyo sa iyang payag nga iyang gitukod sa may taluktok sa bungtod.

"Nagmilagro ka man Noring, nga ning kasayo pa sa kabuntagon nahiduaw ka man ning akong pinuy-anan nga payag?" dihay kahingangha sa ganay sa pangutana sa tingog ni Ingko Goyong.

"Mauwaw lagi unta ako nga magpatutho kanimo Ingko Goyong, apan kun ako kining pasagdahan ... basin mosamot hinuon kini sa paghiting ngadto sa kahubag!" nagkanguhal ang sinultihan ni Noring.

"Ngano gud intawon nga bation ka man og kauwaw kun kaayohan na sa imong sakit sa kalawasan?" ni Ingko Goyong pa nga gibati og dili tiaw nga kaluhag kun asa dapit ang buot patuthoan ni Noring.

"Buyno ... Noring, asa man nang dapita nga buot mong patuthoan kanako, kun sa imong pagtuo gibuyagan sa dili ingon nato?"

Nagkurog si Noring sa paghukas sa iyang blouse ug sayal, lakip na ang iyang underwear, atubangan ni Ingko Goyong.

"Pastilannnn ... Noring ... gibinuangannnn kaa mann ogggg buyagggg saaa diliiii ingonnn ... natoooo?" nagpanilap og laway si Ingko Goyong nga nagsud-ong sa dili ordinaryong kaugdo sa kinatawo ni Noring.

"Maayo pa kaha kini Ingko Goyong, ning kadako sa akong hubag nga sa akong pagtuo dili na mohiyos?" nagkayuring ang sinultihan ni Noring samtang gisugdan na sa pagtutho ni Ingko Goyong.

Nakalad-ok og laway si Noring, sa dihang dihay nahikapan ni Ingko Goyong, ang kagilok nga maoy nakapahinanok kaniya.

Sa iyang pagmata ... mao nalamang ang iyang naalinggatan ang dili tiaw nga kahapdos sa kasakit.

Way hunong sa pagpanubod sa kabasa nga pilit kaayo sa iyang bilahan, diin miabot nalang ang usa ka semana misamot hinuon paghubag ang iyang kinatawo nga sa iyang paminaw dili na gayod mohiyos.

Nakahukom si Noring sa iyang kaugalingon ... nga iyang balikon si Ingko Goyong, aron iyang patuthoan og usab ang iyang hubag. (Kataposan)