Hamis nga pa

Nakabantay ang promo girl nga daw miukob sa iyang mga paa ang panan-aw ni Danny.

“Sus, pagka palakero nimo Dan uy. Dali ka ra man kaayo matintal og bisan makakita lang og paa’s babaye,” nagpahiyom si Marlyn nga nagtan-aw ni Danny.

Gipahimudsan na lang usab ni Danny ang higayon pagkomedya sa promo girl. “Kanindot kaha kun muabot ang higayon nga makahikap na ko anang hamis kaayong paa. Balbon pa g’yud kaayo.”

Ang gipasabot ni Danny mao ang pino kaayong balhibo nga nanubo sa paa sa dalaga.

“Kun balhibuon man gani nga anaa pa sa baryo, mosamot na g’yud tingali didto sa lungsod,” komedya ni Danny kang Marlyn. Mitig-ik na usab si Danny kay gituslok sa promo girl ang iyang kilid.

Daw nasabtan ni Marlyn ang gipasumbingay ni Danny nga “lungsod” nga mao ang tunga-tungang bahin sa iyang paa. Mikalit lang nga daw suod na kaayo ang ilang pagtinagdanay.

“Ihatud na ko sa akong gipuy-ang apartment Dan. Nagmotor ka bitaw,” matud ni Marlyn. “Sure, ubanan ko ikaw karon bisan asa,” walay hunong ang pangomedya ni Danny.

Hangtud nga miabot sila sa Rosal Street ang nahimutangan sa apartment nga gipuy-an ni Marlyn. “Kinsay kauban nimo dinhi Mar?” nangutana si Danny.

“Si Jenny, ang akong ig-agaw nga cashier sa SM, apan tua mipauli sa probinsya. Dali sulod kadiyot,” agni sa promo girl.

Wala g’yud magdugay-dugay si Danny. Maoy iyang ampay ang pagdapit ni Marlyn nga mosulod siya. Daw nagpanilap si Danny nga nagsud-ong sa paa sa promo girl samtang nagsunod siya pagsulod sa pultahan.

Milingkod si Danny sa sopa, samtang si Marlyn misulod sa gamay’ng kwarto.

Taud-taud, migawas si Marlyn nga nagsul-ob na lang og short pants. Wala makatingog nga daw natuk-an si Danny nga nagtan-aw sa paa sa promo girl.

“Naunsa ka nga wala ka man makatingog samtang nagtan-aw nako?” matud ni Marlyn nga nagpahiyom.

“Mar, paita imo man g’yud ko nga gipaantos. Hapit na magtulo ang akong laway nga nagsud-ong nimo,” matud ni Danny. Mitupad paglingkod ang promo girl sa ulitawo.

Nagsultihanay sila. “Mar, please sugta na ko bi kay diguon ko dayon ikaw sa akong mga hawok,” ni Danny pa nga daw nagtubod ang laway pagsinud-ong kang Marlyn.

“O sige, uyab na ta,” dali nga tubag sa dalaga. “Kalit nga nakagakus sa kalipay si Danny ni Marlyn.” (Sumpayan)