Little black book

Gula 72

Nunot sa pagpanglabay sa mga adlaw, nakahigayon ko pagtuman sa akong gilaraw alang sa mga babayeng akong naibgan nga nahitala sa akong little black book. Gipangulitawhan ko sila!

Maoy una nakong gipanguyaban si Pam. Gisunod nako si Rhea. Dayon si Carol. Unya si Mylene. Dihang nakalugar, gipangulitawhan sab nako sila si Sarah Jane, Cynthia, Annabelle, Divina ug uban pa.

Sa tanan nga akong gipanguyaban duha ra gyud intawon ang nisugot, sila si Sarah Jane ug Cynthia. Ang uban miisnab nako. Nagdumili sila pagdawat sa akong gugma. Palikero kuno ko. Playboy!

Wala hinuon ko maguol nga wala ko sugta nila ni Divina, Pam, Rhea, Mylene, Carol, Divina, Annabelle ug uban pa. At least, nakadaginot ko’g duha-- sila si Sarah Jane ug Cynthia. Dili na tantong demalas!

Kanunay kong nangitag paagi nga maangkon ang pagka-babaye nila ni Sarah Jane ug Cynthia. Alang gud nako, maoy kahingpitan sa akong pagpakigrelasyon sa mga opposite sex kun maangkon ko ang ilang pagka-babaye.

Pero gahi ug igmat si Cynthia. Maantigo siyang molikay kun makamatikod nga lain na ako’g tuyo niya. Mora’g determinado siyang i-preserve ang iyang virginity. Wala gyud ko molampos pag-angkon sa iyang pagka-babaye.

Si Sarah Jane maoy akong nabinggohan. Giatol pa gyud nako ang pagbugha niya sa iyang pagsaulog sa iyang birthday. Virgin si Sarah Jane! Akoy unang lalaki nga nakatilaw sa kalami sa iyang pagka-babaye.

Kay milampos man ko pag-angkon sa pagka babaye ni Sarah Jane, akong gitsekan ang iyang ngalan sa akong little black book timaan nga naangkon ko na siya sa hingpit.

Nagtungha na ko sa ikaduhang tuig sa kolehiyo dihang miabot ang usa ka masulob-ong hitabo sa akong kinabuhi. Giatake sa high blood si Tatay Merto nga maoy hinungdan sa hinanali niyang kamatayon! -- Sumpayan pa