Little black book

Gula 70

Paggawas gyud ni Anita sa exit door sa main lobby sa unibersidad, ako dayon siyang gisugat. Ingon og nakugang si Anita. Wala man gud mi magsabot nga magkita maong wala siya mag-expect nga nagpaabot ko niya sa gawas sa unibersidad nga iyang gitunghaan.

“Nganong nia man ka?” Nangutana si Anita.

“Gimingaw ko nimo,” mubo kong tubag.

“Gimingaw o gihidlaw?” Mapahiyumong misukit si Anita.

“Pareho,” giingnan ko siya. “Gimingaw ug gihidlaw.”

Wala na magdaghan og langas si Anita. Mikuyog siya nako. Gidala dayon nako siya ngadto sa usa ka mabugnaw’ng lawak.

“Di ta magdugay dinhi,” nagkanayon si Anita paghisulod namo sa kuwarto diin ang kabugnaw sa aircon makapakuray sa lawas. “Kinahanglang makauli ko’g sayo sa amo. May buhaton pa ko.”

Aron madali, gisugdan dayon namo ni Anita ang init nga romansa. Sa dihang pareho na ming nanginit pag-ayo, gitambayayongan namo pagkatkat ang hagdanan paingon sa himaya sa ikapitong langit.

Gikapahungaw gyud nako ngadto kang Anita ang akong kahinam nga alang unta nila ni Gelia ug Jovie. Si Anita ang nabuthan sa tanan. Gibati ko ang diyotay’ng ka-guilty kay samtang si Anita maoy akong gikabhan, sila man si Gelia ug Jovie ang akong gi-imagine nga maoy akong gikahilawas.

Ug natambalan gyud ang akong kahidlaw sa lawasnong kalipay.

Sa akong pagtungha sa kolehiyo, nakahibalag ko’g laing mga babaye nga nakahagit sa akong pagka lalaki. Sa hilom nakasaad ko sa akong kaugalingon nga kun makahigayon lang, pangulitawhan ko gyud sila.

Nahidugang sa listahan sa mga babayeng akong naibgan -- sa akong little black book-- ang mga ngalan nila ni Pam, Rhea, Carol, Mylene, Sarah Jane, Cynthia, Annabelle, Diana Rose, Divina, Evelyn ug uban pa. -- Sumpayan pa