Little black book

Kadali rang naanod si Anita sa kainit sa akong mga halok. Dihang akong namatikdan nga andam na siya alang sa mas init nga kombate, ako dayon siyang gi-penetrate aron mahingpit ang among pagsaulog sa karaang ritwal sa gugma. Gitugkad ko ang kahiladman sa iyang pagka-babaye.

Gitambayayongan namo pagkatkat ang hagdanan sa himaya. Ingon sa nahitiurok ko dihang nagkadungan kami si Anita pagsangko sa kinapungkayan sa kalalim sa ikapitong langit. Mora’g gitupsan ni Anita ang akong pagka-lalaki dihang natilok gyud og kapuga ang tanan kong biga.

“Kanus-a ta magkita pag-usab?” Gipangutana ko si Anita sa dayon na namong gawas sa motel nga among gitsek-inan.

“Tingali mga tawo weeks gikan karon,” maoy iyang tubag.

“Kadugay gud?”

“Exam namo next week. Gusto kong mo-concentrate una sa akong pagtuon. Di ko gustong mangiwit sa pasulit.”

“Okey.”

Paglabay sa duha ka semana, akoy nangitag paagi nga magkakita kami si Anita. Giatangan ko siyang mogawas sa unibersidad nga iyang gitunghaan. Ug sama sa naandan, gidala ko siya sa usa ka pribadong lawak. Didto gitagbaw namo ang among kaugalingon pagtagay sa lawasnong kalipay.

Dihang first year college na ako, wala damha nga magkakita kami pag-usab si Gelia, ang akong girlfriend didto sa Santander. Wala kami magbulag si Gelia. Wala lang kami komunikasyon ug kini ang nakatab-ang sa among relasyon. Sa among panagkita pag-usab (pareho kami’g unibersidad nga gitunghaan), gusto kong lig-onon pag-usab ang among relasyon.

“Lahi na ang karon kay sa kaniadto, Jose,” giingnan ko ni Gelia.

“U-unsay buot mong ipasabot, Gel?” Gipangutana ko siya.

Wala dayon motubag si Gelia. -- Sumpayan pa