Ang kinabuhi sa langgam

Noy Iko! Noy Iko! Tan-awa kadiyot, Noy! Unsa ning naas akong kamot? mahinanom nga pulong ni Jerome, diyes anyos nga batang lalaki. Nibutho si Jerome sa likod sa tiguwang nga naggunit og regadera. Nagsul-ob ang bata og purol nga maong. Guma iyang sinilas. Iyang t-shirt abuhon nga puhaw ug may mga gagmay'ng gisi sa abaga ug bukton.

Bisan og naghumol sila si Roger ug Carmel sa dagat, apan daw kalit lang nanginit ang kalawasan sa biniyaan sa asawa dihang nagakus niya ang lumoy kaayong lawas ni Carmel.

“Salamat kaayo Roger ha? Kun wala pa ko nimo madali paggakus tingali nalamba na ko ngadto sa hait kaayong mga bato,” matud ni Carmel. Nagpasabot kini nga wala siya masuko nga nagakus ni Roger.

Kanindot diay nimo gakson uy Carmel, pagka swerte sa imong hinigugma no?” pasumbingay ni Roger sa dalaga. “Mao ba Ger? Pero ang nakaapan lang kay wala koy hinigugma karon.”

Nagtinutokay silang duha sa tinan-awan nga salabtunon kaayo. Dayon kay nagsikit ra man sila nga nagtindog sa bato, hinay-hinay nga gigakus pagbalik ni Roger si Carmel.

Misamot na g’yud nga nanginit ang kalawasan ni Roger. Nabatyag g’yud ni Roger nga ang duha ka bugdo sa dughan ni Carmel misapigad sa iyang dughan mao nga gibati niya ang dili matukib nga kalalim.

“Carmel, motuo ka ba kun ingnon ko ikaw nga nakakat-on ako pagmahal kanimo?” giingnan ni Roger si Carmel.

Wala dayon motingog si Carmel, apan taud-taud. “Ger, nakat-on na usab ako pagmahal kanimo bisan og nasayud ko nga duna ka nay kapuyo.”

Misamot kahugot ang ilang paggaksanay ilawom sa nasungib nga bahin sa Duawon Beach. Taud-taud, nag-ukobay na ang ilang mga ngabil. “Abi nimo Carmel, mahadlok na g’yud unta ko nga makig-relasyon pa og babaye kay basin og sama ni Gloria, talikdan ra gihapon ko tungod sa kakabus,” matud ni Roger.

Apan gipasaligan siya ni Carmel. “Dili kana mahitabo nako Ger. Kabus usab kami sa among dapit sa Giloctog, Barili. Daku lang og yuta ang akong mga ginikanan ug daghang tanom nga lubi mao nga wala mi kaayo maglisud.”

Wala malilong sa ilang kaubanan ang ilang relasyon kay duna diay nakasigpat kanila sa ilang mga kauban sa trabaho. Naputos sila sa sungog niadtong higayona.

“Kay mga husto na man kita sa edad Carmel, mahimo ba nga adto ka na lang motipon nako pagpuyo sa akong giabangan nga kwarto?” agni ni Roger sa hinigugma.

Tuod man, nianang pagka gabii, miuban si Carmel sa giabtan ni Roger. Gikaestorya nila ang tag-iya sa balay ug pagkasayud nga anha na mopuyo si Carmel, misugyot kini nga ang tibuok silong na lang sa balay ang abangan nila.

Sa ila nang pagpanghigda, mahinamon kaayo si Roger kay daw unang gabii karon sa ilang panagtipon. Wala pa gayud niya madimdim ang pagkababaye ni Carmel. (Sumpayan pa)