Gugma'ng salingkapaw

Gula 2

Usa ka Domingo niadto, gikan nga mitan-aw sa DYLA amateur hour singing contest sila si Roger ug Gloria. Mipahuway sila pinaagi sa paglingkud sa bermuda luyo nga bahin sa Fort San Pedro.

Mingaw na ang maong dapit og nagparayganay ang managhinigugmaay. Wala panumbalinga ni Roger ang mga kawani sa atbang nga balay-patigayon nga klaro kaayo nga namuso kon naniid kanila.

Daw gitupsan ni Roger sa laway ang mga ngabil sa hinigugma atul sa ilang hinagkanay. Nagpanghiram na ang mga kamot ni Roger sa kalawasan sa dalaga.

Taud-taud, gibuga ni Roger ang usa ka halawom nga pagpanghupaw.

“Naunsa ka man Ger nga nanghupaw ka man,” gisukna si Roger sa iyang hinigugma.

Igo lang siya nga mipahiyom. Dayon giingnan ang hinigugma “Dili ko kaagwanta sa akong gibati Glor, pwede ba’g manulod ta’g kadiyot sa bugnaw’ng lawak?” “Unsa’y bugnaw’ng lawak? Asa man na?,” nahibulong si Gloria nga wala makasabot sa gipasumbingay ni Roger.

Mitindog si Roger gikan sa gilingkoran nila nga bermuda. “Tana, adto na ta duol ra man. Maayo didto kay matagbaw nato ang atong kaugalingon nga walay mamuso. Dinhi naay daghan nga nangli-li nato.”

Taud-taud, nakadungog sila’g kagahub nga mora’g dunay nahagbong. Dayon misunod ang tingog sa tawo nga nag-agungoy sa kasakit. Natagak sa iyang gikatkatan kadtong namuso sa duol nga koral.

“Tan-awa Glor, duna g’yud lagi nanglili nato samtang kita nagparayganay. Maayo g’yud nga mamalhin ta sa bugnaw nga lugar,” ni Roger pa.

Usa ka motel diha sa General Maxilum ang gipasabot ni Roger nga maoy iyang dad-an ni Gloria.

Wala madugay, misulod na ang taksi nga ilang gisakyan sa Q2 Motel. Nanganaug sila og gisinyasan sila sa usa ka tawo ngadto sa usa ka pultahan. Nanulod sila si Roger ug Gloria.

“Mag-unsa man ta dinhi Ger?,” nangutana si Gloria nga daw nahibulong sa gidad-an kaniya ni Roger. Apan wala motubag kaniya si Roger ug hinoon gipaligo niya og mga hawok. Nag-ukobay na usab ang ilang mga ngabil. Dali ra kaayo nga gisanapan sa kalalim ang galamhan ni Gloria.

Wala na siya makadumili dihang gihukas ni Roger ang mga salimbong sa iyang kalawasan.

Misamot kaagresibo si Roger dihang nakita niya ang lawas sa hinigugma nga wala nay sapot. Walay hunong sa pagpanglad-ok sa iyang laway si Roger nga nagsud-ong sa hubo nga lawas ni Gloria.

Unya, gipadayon niya pagpabatyag ang kalalim ngadto sa hinigugma. Ang tuo niyang kamot hinay-hinay usab nga mitangtang sa iyang pantalon. – Sumpayan pa