Little black book

Gula 43

Bisan og nakatilaw na ko og himaya sa usa ka babaye pinaagi kang Gelia, wala nako biyai ang una kong kalingawan mahitungod sa sex adventures -- ang masturbation. Nagpadayon gihapon ko sa pag-perform niini aron pagkab-ot sa sexual release and pleasure labina sa panahon nga sexual intercourse is impossible.

Gawas kang Gelia, gusto pud nakong matilawan ang ubang mga babaye nga akong naibgan nga nahilakip sa listahan sa akong little black book. Usa sa akong natripingan mao si Jovie, akong schoolmate nga maoy muse sa Section Sardonyx. Klasmet niya si Crisanta, akong ex-girlfriend.

Guwapa pa si Jovie. Ka-look-alike niya si Erika Coimbra, kadtong laing Brazilian volleybelle nga nakadula dinhi sa Pilipinas atol sa gipahigayon nga grand prix may usa ka dekada kapin na ang nakalabay. Nangita ko’g higayon nga makapangulitawo ni Jovie.

Bulan na sa Marso. Nagsingabot na ang tingtak-op sa mga klase. Nakahigayon ko sa pagpanguyab ni Jovie. Ug sa wala ko lang damha, gisugot dayon ko ni Jovie. One click lang, matud pa. Labihan nakong lipaya. Kinsay dili nga wala man ko niya paantosa’g dugay?”

“Isekreto lang nato ang atong relasyon,” nagkanayon si Jovie.

“Ngano man?” Gipangutana ko siya.

“Di ko gustong may laing masayod nga nanguyab na ko. Tingalig masayran kini sa akong mga ginikanan. Di pa ra ba sila gustong mag-apil-apil na ko sa gugma-gugma. Gusto nilang mo-focus ko sa pag-eskuyla.”

“Kun maoy imong gusto, way problema. Nakasabot ko. Sige, tagoon lang nato ang atong relasyon.”

“Salamat nga nakasabot ka sa akong tumong, Jose.”

Ang tinuod, mao say akong gusto nga tagoon ang relasyon namo ni Jovie aron dili masayod si Gelia bahin niini.-- Sumpayan pa