Little black book

Gula 41

Gumikan sa akong kalamposan pag-angkon sa pagka-babaye ni Gelia, akong gitsekan (check) ang iyang ngalan sa akong listahan sa akong little black book. Ang maong tsek maoy timaan nga naangkon ko na ang iyang pagka-babaye. Hingpit nga pag-angkon kay ako man ang naka-virgin niya.

Pagkaugma, nakahigayon mi si Gelia sa pagsultihanay sulod sa school canteen. Nagpalayo mi sa ubang mga estudyante nga nangisnak aron dili nila madungog ang among panagsultihan.

“Unsang orasa kang nakaabot sa inyo kagabii?” Si Gelia ang unang nangutana samtang nagkalingaw mi’g kaon og binignit.

“Pasado alas dose na,” mubo kong tubag.

“Nagsakay ka?”

“Naglakaw lang. Wa na may kasakyan.”

“Maayo kay wa ka nahadlok nga basin og atangan ka’g multo?”

“Di ko mahadlok og multo, uy.”

Nahilom mi sa makadiyot.

“Ikaw,” matud ko paglabay sa pipila ka segundos. “Natulog ka ba dayon kagabii sa akong pagbiya sa inyong gipuy-an.”

“Wa ko makatulog,” tubag ni Gelia. “Hasol kaayo ang akong hunahuna. Gawas pa, sakit kaayo ang akong flower tungod sa laceration nga namugna sa pagsulod nianang dako mong kargada. Hangtod gani karon mohapdos pa ang laceration kun mangihi ko.”

Nahikatawa ko’s gisulti ni Gelia. Gikusnit niya ang akong kilid, kaha nagtuo gipakagamay lang nako ang iyang nasinati.

“Nabalaka baya ko, Jose,” nagkanayon si Gelia pagkataudtaod.

“Unsa may imong gikabalak-an?” Gipangutana ko siya.

“Nga tingalig momabdos ko. Malintian gyud ko sa akong amahan kun iyang masayran nga sayo kong nanguwag!” -- Sumpayan pa