Ang bawos sa singko pesos Dakbayan sa Sugbo

Alas 5 na pasado. Nag-atang ko’g PUJ sa may dan Escario aron mopauli gikan sa akong gitrabahoan. Kalit may mikuhit sa akong abaga.

"Gai ko’g singko bi, Atorni kay palit ko’g pan," maoy akong nadunggan nga tingog sa akong luyo.

Sa akong paglingi, misugat sa akong panan-aw ang usa ka bulingit nga batan-on. Nagngisi siyang nagpakita sa binukhad niyang kamot nga naghuwat nga tunolan. Mikuha ko’g tibuok singko pesos sa akong coin purse ug gibutang sa iyang pad.

"Ipalit gyud na'g pan, ha? Basin lain ang imong paliton," matud ko ug gibaling kong akong panan-aw sa mga jeepney nga nangagi.

Milakaw ang tawo nga sa akong tan-aw may gamay'ng depekto sa panghunahuna. Di tantong nalisuan sa hustong pangisip kay gitawag ko niya’g atorni tungod tingali sa gisul-ob kong long sleeves nga uniporme sa akong gitrabahoan. Amaw-amaw lang tingali sa akong pagtuo.

Milabay ang mga adlaw, usa ka hapon niana, samtang nag-atang na sab ko’g PUJ kay mopauli sa amo sa Labangon miduol nako ang bulingit nga tawo nga sa akong timaan mao kadtong nangayo og singko pesos sa nangaging mga adlaw.

"Pahuwama ko’g singko atorni kay ipalit ko’g pan," maoy iyang pung samtang nagngisi nagpakita sa binukhad niyang pad.

Sa kadaghan sa mga mag-atang og sakyanan didtong dapita ako man gyud ang iyang pangayoan. Pero sige na lang kay di man sab matag adlaw nga mag-atang siya nako, matud ko sa akong kaugalingon. Maatol man sab gud nga magsul-ob ko sa long sleeves namong uniporme ug di kadtong barong nga puli sa long sleeves maong dudahan na lang kong abogado.

Nanglabay ang mga adlaw ug nalimtan ko na kadtong tigpangayo nako’g singko pesos. Usa ka udto niana, gikan akong nag-research mahitungod sa kasaysayan sa usa ka dapit sa Sugbo aron suwaton alang sa binuwan nga basahon sa akong gitrabahoan. Samtang nag-atang ko’g jeepney padung sa Kapitolyo, usa ka tawo nga may dang mubo nga kahoy ang akong nalingian sa tuong bahin sa akong kilid. Siga siya’g mata ug ingon sa nasuko.

"Lagot ko sa mga abogado kay hambugero!" singhag niya nga mihunong sa akong duol.

Medyo gikuyawan ko kay may da raba siyang kahoy ug basin kalitan ko’g hapak. Midistansiya kog gamay aron kung pananglit mohana og bunal makalihay pa ko. Unsa man sad ning masaypan na man sad kong abogado? Nagsul-ob man gud ko’g long sleeves niadtong higayona. Sa akong tan-aw may depekto sa pangisip ang maong tawo.

"Magkita lang ta sa menteryo atorni!" singhag na usab niya nga nag-atubang nako dayong huyad og bunal sa da niyang mubo nga kahoy.

Dali kong miatras aron di maigo apan kalit kong nahibung kay mihagtok ang ulo sa maong tawo nga naigo sa bunal sa luyong bahin sa iyang ulo.

"Ako'y mahibawo ani atorni, buang-buang ning tawhana." Singgit sa usa ka bulingit nga batan-on ug usban pa gyud unta og bunal sa da niyang putol nga sanga sa kahoy.

"Parts, ayaw na lang usbi kay matiwas unya!" nakasinggit ko's kakuyaw nga nagtan-aw sa batan-on nga miluwas nako.

"Aw, ikaw gud. Di man kaha," tubag sa batan-on nga mao diay ang tigpangayoan nakog singko pesos.

Gipatiran lang sa batan-on ang maong tawo ug dali siyang milakaw samtang nagkub sa sementadong sidewalk ang tawong mobunal unta kanako. Nakita kong mihinay kini’g bangon mao nga dali usab akong misakay og jeepney kay basin balikan ko sa kanahang daku.

Samtang sakay ko sa PUJ nakatuaw ko's akong kaugalingon nga di nato maseguro ang usa ka tawo bisan pa man kun kuwang kini's kabuot. Makabawos sab diay kini’g utang buot. (Katapusan)