Little black book

Gula 11

Sayop diay ko sa akong pagtuo. Abi ko’g dawaton na ni Bernadith ang gugmang gihalad ko kaniya. Pastilan, wala man gihapon ko niya sugta. Iya man lang gihapon kong gibalibaran. Pusoy lang gihapon ko!

Kay napakyas man lang gihapon ko pag-angkon sa gugma ni Bernadith, giangkon ko na lang siya sa hilom nga paagi. Pinaagi sa akong imahinasyon. Siya kanunay ang protagonista sa matag higayon nga mag-masturbate ko. Maayo kun sa five fingers na lang nako ipaagi ang pag-angkon kaniya kay dili gyud siya makabalibad. Dili gyud siya makaugpo!

Nagpadayon ko sa sekreto kong buhat paglipay sa akong kaugalingon pinaagi sa five fingers. Hangtod nga mora’g naadik na ako sa maong buhat. Mora bag ang pagtuyok sa akong kalibotan natingob sa maong butang. Usahay gud makaingon ko nga dili na normal ang akong gibuhat.

Hangtod nga sa kadugayan, nakakat-on na ako sa pag-amban sa laing babaye. Dili kay si Bernadith na lang gyud kanunay ang akong pahinungdan sa akong pag-five fingers. Diha nay laing mga babaye nga naka-apply. Sama nila ni Arlyn, Marilyn, Arlene, Lucille, Emie, Gina ug daghan pang uban nakong mga klasmet sa grade six.

Silang tanan pulos nakuha nako ang pagka-babaye pinaagi sa akong nagsalimuang nga imagination.

Nagpadayon ko sa maong buhat. Sa ngadto-ngadto, ako ra sab ang nangunay pag-justify nga dili man tingali daotan ang masturbation. Dili man tingali abnormal ang lalaki nga mag-five fingers.

Kay matud pas akong nadunggan gikan sa mga ulitawo ug sa minyo nang mga lalaki, normal kuno sa usa ka lalaki ang pag-masturbate. Dili gani kuno kini angay ikaulaw kay usa man kuno kini ka normal nga bulohaton sa usa ka normal nga lalaki nga anaa na sa state of adolescence.

Maong wala gyud ko mohunong sa maong buhat. -- Sumpayan pa