Tunok nga di maayong ibton

Nagpig-it sa kasakit si Ibang, nga mipauli sa iyang balay kay natunok sa kagingking ang iyang lapa-lapa, samtang nag-inusara siya nga nangahoy sa may babaw sa ilang balangay sa Tinubdan.

Hapdos ug ngilo kining paminawon ilabi na nga sukad masukad siya nabiyuda kang anhing Paquito, karon pa siya makasinati niining maong matang sa kasakit.

Sukad gud nga mitaliwan kaniya ang naanhing niyang bana kay namatay sa pagkahulog sa taas nga layog sa lubi nga iyang gisanggotan...siya na lang usa ang magtikawtikaw ning ilang balay.

Kaayo unta kun buhi pa lang ang iyang mga ginikanan, anaa unta siya’y masangpit nga makaibot ning iya karong tunok sa kagingking?

Ambot unsay nasulod sa ulo ni Ibang, nga nakahunahuna man siya og adto sa balay ni Tinong, ang silingan niya nga ulitawong guwang?

“Subra ka delikado ning nahabiling tunok sa imong lapa-lapa Ibang? Kinahanglang ato kining ibton sa labing madali nga panahon? Kay basin kini saw-on sa tetanus!” Nagkayuring ang sinultihan ni Tinong, nga nagkuha og dagom aron sugdan sa pag-ibot ang tunok sa kagingking.

“Patuan ta usab kini og lana sa bitin!”

“Ayyyyyy....kasakittttt..... Tinonggggggg.... saaaaa... kainittttt... saaa..... lanaaaaa.... ngaaa..... imongggg.... gipatuloooo!“ nakasiyagit si Ibang sa kasakit.

Duha ra ka adlaw sukad naibot ni Tinong ang tunok sa kagingking sa lapa-lapa ni Ibang, kini mikupos ug naayo.

Agi’g pasalamat ngadto kang Tinong, nakahunahuna si Ibang sa pagpamisita sa pinuy-anan sa maong lalaki nga ulitawong guwang.

“Salamat kaayo Tinong.... sa imong kaayo nga imong naibot ang tunok sa kagingking sa akong lapa-lapa,” dihay kabugnaw sa tingog ni Ibang.

“Wa kadtoy sapayan Ibang,” mubong tubag ni Tinong.

Takulahaw mikalit og bundak ang makusog nga ulan, diin ang sinalisi misulod sa may pinuy-anan ni Tinong, diin hilabihang basaa sa sanina ni Ibang.

Nagkuray sa katugnaw si Tinong ug Ibang niadtong tungora. Ug mao na lamang ang naalinggatan ni Ibang nga dihay laing tunok nga mitaroy ubos sa iyang bilahan diin siya nagkanayon.

“Diliiiiiiii.....naaaa.... tingaliiii.... paaaa... Tinongggg kinahanglan... ngaaa ibtnonnn...paaaa... kiningg.... tunokkk!” (Kataposan)