Maninintal

Gula 4

Natagbaw g’yud ang mga kamot ug tudlo ni Judge Ticman sa una nila nga panagdeyt ni Lorna, ang maanyag niya nga clerk sa korte.

Nagtinguha unta ang huwes nga dad-on sa usa ka motel si Lorna niadtong higayona apan hugot nga namalibad ang Boholana ug wala na lang usab mamugos si Judge Ticman.

Sigurado ang huwes nga sa sunod nila nga panagdeyt dili na gayud mobalibad pa si Lorna nga manulod sila og motel.

Pagka-ugma, mauwawon si Lorna ug nahimo siya nga hilomon sa iyang pagtrabaho sa korte. Nahuna-huna niya nga nasayop siya sa iyang pagkuyog ni Judge Ticman.

Apan nahuna-huna niya nga lisud na siya makabalibad pa kay giayo na og kumbati sa huwes ang labing pribadong parte sa iyang lawas didto sulod sa kotse niini atol sa ilang pagpanuroy.

“Lorn, gipatawag ka ni Judge sa iyang Chamber may idektar kuno siya nimo,” matud sa secretary sa huwes ngadto kang Lorna.

Gikulbaan si Lorna kay sigurado siya nga pahimuslan na usab siya ni Judge Ticman pinaagi sa paghikap-hikap sa iyang kalawasan samtang magdektar kini sa iyang mga Order.

Nanuktok si Lorna sa pultahan, ug hinay kini nga miabli. Nakita niya si Judge Ticman nga dunay gisuwat. “Dali Lorn sulod. Ipalihug og lock ang siradora sa pultahan,” matud sa huwes. Misamot ang kakulba ni Lorna.

Mitindog ang huwes ug giduol ang maanyag nga clerk, dayon iya kining gihagkan sa ngabil. Gisinyasan siya ni Judge Ticman nga dili magsaba aron dili madunggan sa ubang kawani sa staff room.

“Ayaw Judge, dia ko dinhi aron motrabaho dili aron magbinuang,” hagawhaw ang pagsulti ni Lorna sa huwes. “Apan dili ako makapugong sa akong pagbati kanimo Lorna, wala ako’y asawa ug andam akong magpakasal nimo,” ni Judge Ticman pa dayong ukob na usab sa ngabil sa clerk.

Nanglabay pa ang mga adlaw, sila si Judge Ticman ug Lorna adto magparayganay sulod sa Chamber sa huwes. Miabot ang panahon nga nahanaw na ang kauwaw ni Lorna kang Judge Ticman.

Diha pa gani’y panahon nga wala gayud sila makapugong sa kaugalingon ug nahimo nila ang dili unta angay’ng himoon sulod sa Chamber.

Usa ka adlaw niana, nakadungog si Lorna nga nagsultihanay ang duha niya ka kauban sa opisina kabahin sa huwes nga dunay kabit nga kawani sa iyang sala. Wala siya motubay sa isyu kay nakasabot siya nga ang gipasabot niini mao sila si Judge Ticman. Nanglabay ang mga adlaw, wala damha ni Lorna nga makadawat siya og kamandoan gikan sa Supreme Court nga nagbalhin kaniya sa laing sala.

Wala na siya madistino kang Judge Ticman. (Sumpayan pa)