Anino sa adlaw

Gula 65

“Nganong kana man gyung ngalana ang imong gipili nga dili man kana common?”

“Tungod kay simbolo sa kaisog ang maong ngalan. Ang Averill nagkahulogan og maisog nga manggugubat. Gusto kong magdako ang atong anak nga magbaton og kaisog aron iyang pakigbatokan ang si bisan kinsa nga gustong moyatak sa iyang katungod.”

Nahitutok si Teresa kang Ronald. Ingon sa nasabtan niini ang katulugkaron sa gisulti sa hinigugmang rebelde.

“Dili ko gustong may modaugdaog sa atong anak, Teresa,” dugang pamahayag ni Ronald.

Miabot ang panahon nga natapos ang makuting proseso sa pag-imbestigar sa justice committee sa walhong pundok kalabot sa kamatayon sa mga ginikanan nila ni Ronald ug Ricky Liwanag. Nasipong nila ang mga ebidensiya ug nahukman nga pahamtangan nila sa silot nga kamatayon ang mga responsable sa krimen.

Gitagsatagsa nila paghipos ang gitumbok nilang mga responsable sa kamatayon sa mga ginikanan nila ni Ronald ug Ricky. Pulos suod sa usa ka politiko ang maong mga tawo. Ang kataposan nilang gitumba mao ang abusadong polis nga si Alexander Savedra. Si Ronald mismo ang mihunos sa kinabuhi niini pinaagi sa pagpunggot sa liog niini. -- Sumpayan pa