Anino sa adlaw

Gula 64

Nahinangop si Teresa sa iyang paghiabot sa pinuy-anan niini. Ang mga ginikanan sa dalaga mihatag og higayon nga makasulti sila’g maayo. Misulod ang magtiayon sa ilang kuwarto aron makahigayon gayod sa pagsultihanay sila si Ronald ug Teresa.

“Maayo kay nakahunahuna ka’g bisita nako,” matud ni Teresa.

“Gimingaw na kaayo ko nimo,” ni Ronald pa. “Pasensiya na nga dugay kong nakaduaw nimo. Naghimo man gud mi’g subsob nga operation sa nangaging mga adlaw.”

“Okey lang, uy. Ang importante nga imo kong giduaw.”

“Dako ka na man diay og tiyan,” palain ni Ronald.

“Sa sunod buwan na nga akong ipanganak,” tubag ni Teresa.

Nanghupaw si Ronald. Ug niya pa,” maayo unta kun nia ko sa imong kiliran atol sa imong pagpanganak.”

“Sagdi lang gud,” ni Teresa pa. “Makakita ra man bitaw gihapon ka sa atong anak kun moduaw ka dinhi.”

Unya mitipas sila sa laing mga hilisgotan. Ug mibalik na man ang ilang tema bahin sa bata nga gimabdos ni Teresa.

“Unsay gusto mong ingalan sa bata?” Gipangutana si Ronald ni Teresa.

“Averill,” ni Ronald pa. “Mao kanay gusto kong ingalan sa atong anak. -- Sumpayan pa