Walay kamatayon ang gugma

Gula 76

“Bisitahi ko sa akong buhatan kun makagawas na unya ko dinhi sa ospital,” nagkanayon ang lalaki.

Gituman ni Jody ang gisulti ni Mr. Enrique Salvador. Paglabay sa tulo ka adlaw, miduaw siya sa buhatan niini. Wala siya maglisod pagtultol kay gihatagan man siya’g calling card niini.

Gidala na niya ang tanang rekisitos sa pagpangaplay og trabaho sama sa resume, biodata, application letter ug uban pa.

“Anak ka man diay ni Mr. Luis Garcia,” nagkanayon si Mr. Enrique Salvador samtang gitamdan niini ang iyang biodata. “Kadako sa negosyo sa imong amahan. Nganong dili ka na man lang hinuon adto manarbaho sa iyang publication company?”

“Wa na ko karon sa poder sa akong amahan,” tug-an ni Jody.

“Ngano man?”

“Taas nga sugilanon, Sir. Ug confidential. Naglambigit sa comflict of interests.”

“I see.”

“Kahatagan ba ko nimog trabaho, Sir?”

“Why not? Bisan karon puyde kang magsugod dayon.” -- Sumpayan pa