Walay kamatayon ang gugma
Gula 74
“Salamat sa imong pagtabang kanako, Hija,” nagkanayon si Mr. Enrique Salvador, ang tawo nga giluwas ni Jody, dihang nabalikan na kini sa panimuot. “Kun wa ka pa, tingali nahutdan gayod ako sa dugo gumikan sa samad sa akong ulo ug mamatay ako.”
“Nakakita man gud ko sa nahitabo, Sir,” ni Jody pa. “Makonsensiya ko kun may daotang mahitabo kanimo kun dili ko ikaw tabangan.”
“Bulawanon ka’g kasingkasing, Hija,” matud ni Mr. Salvador. “Isipon kong utang kabubut-on kining imong pagtabang kanako.”
“Ngano man diay tuod nga gibangga man nimo ang imong sakyanan sa poste?”
“Wa ko kadto tuyoa. Nawad-an sa preno ang sakyanan mao nga wala ko na kini makontrolar.”
Wala motingog si Jody.
“Maayo gani kay imo gyud kong giunongan,” ni Mr. Salvador pa. “Wala gyud ko nimo biyai dinhi sa ospital. Mao nga agi’g bugti sa imong kaayo, bungat bisan pila, ug bisan unsa, kay ihatag ko kanimo.”
“Salamat na lang, ni Jody pa. Pero dili nako pabugtian og kantidad ang akong pagtabang nimo. Pero kun may ikatabang ka, gusto unta kong makatrabaho.” -- Sumpayan pa
- Latest
- Trending
