Walay kamatayon ang gugma
Gula 69
Kapin sa duha ka semana nga wala mo-report si Jody sa iyang trabaho. Wala na usab siya manawag sa ilang buhatan. Ingon sa nawad-an og maayong direksiyon ang iyang kinabuhi. Daw nawad-an siya’g kadasig sa pagtrabaho. Wala na siya panultoli sa angay niyang buhaton.
Nakugang na lang siya sa dihang mibalik na siya’g report sa ilang opisina, gipahibalo siya ni Mr. Isagani Beltran nga gitangtang na ang iyang ngalan sa editorial box sa Silver Star Daily.
“Nag-AWOL ka,” ni Mr. Beltran pa. “Mipalta ka’g trabaho nga wala gani pahibalo kun naunsa ka. Ang imong gihimo ground for termination.”
Nahugno si Jody sa maong kasayoran.
Gipatawag si Jody sa personnel manager sa Silver Star Daily. Miatubang siya niini. Gipahatag siya niini’g katin-awan mahitungod sa iyang pag-AWOL.
Ingon sa wala matagbaw si Mr. Teodoro Galas, ang personnel manager, sa iyang mga katarongan. Gitunolan hinuon siya niini’g termination paper.
“M-mangayo lang unta ko’g second chance, Sir,” hangyo ni Jody.
“Gimahal mo ba ang imong trabaho?” Sukit ni Mr. Galas.
“Y-yes, Sir...” -- Sumpayan pa
- Latest
- Trending
