Maanyag nga hulagway

Gula 2

Nadani kaayo si Fred sa kaanyag ni Ruth, apan wala kaayo motubay kaniya og dugay ang anak sa tag-iya’s bar.

Gidapit gani ni Fred ang dalaga nga mouban kaniya paglingkod, apan mibalibad kini. “No, thank you but mag-study pa ko sa akong leksyon kay exam namo sa Lunes. Maayo na si Efren kay bright man na.”

“Ako’y sagot sa tanan ninyo nga bill karon, bahala na mo diha kun magkuha mo’g chicks nga inyong ikatibol,” nagngisi si Ruth nga mibiya ug miduol sa cashier aron mahibalo nga siya ra ang mobayad.

Nahukman nila ni Fred ug Efren nga mamalhin sa bikini bar diin tua ang talan-awon nga makalingaw sa mga lalaki.

“Tana, total sagot bitaw ni Ruth ang atong bill karong gabhiona,” agni ni Efren sa iyang higala.

Pag-abli nila sa pultahan, nasabak dayon sa panan-aw ni Fred ug Efren ang usa ka babaye nga nagsayaw didto sa gamay’ng bantawan. Giduol sila sa floor manager nga si Ronnie ug gisukna unsay ilang order.

Taud-taud, misayaw ang usa ka batan-on ug gwapa nga dancer nga takulahaw lang nakapabihag sa pagbati ni Fred.

Gikamay ni Fred ang floor manager ug giingnan nga human og sayaw sa dancer, gusto niya kini nga itibol. Si Efren nakigtibol usab og laing dancer.

Nalingaw kaayo si Fred sa batan-ong dancer nga iyang napilian kay “game” kaayo kini kaniya.

Giduol sila’g balik ni Ronnie og gihunghongan si Fred. “Kun gusto mo og private room duna ta sa taas, consumable ang P1,500. Maayo didto kay makalugar g’yud mo Sir.”

Gihunghongan ni Fred si Efren nga mamalhin sila sa private room, ug abtik usab kaayo nga mitangdo ang higala.

Mitindog dayon sila si Fred ug Efren ug misunod sa floor manager nga miabli sa pultahan nga dili kaayo mailhan tupad sa pansayan. Daku ang hawan didto sa sulod, apan daghang kwarto-kwarto.

Giliraw ni Fred ang iyang mga mata sa palibot. Pila ra ka paresan sa babaye’g lalaki ang didto sa maong dapit. Nag-atbang paglingkod sila si Fred ug Efren ug mitupad kanila ang ilang mga partner. Lambing kaayo ang partner ni Fred kay migakus dayon kini kaniya dihang nakabiya na ang waiter.

Mitungab si Fred og usa ka lad-ok nga beer, dayon gihagkan niya ang iyang partner. “Fred diay ang akong ngalan, ikaw?”

Nagpaila ang babaye nga siya si Grace. Giagbayan dayon ni Fred si Grace ug giukoban ang mga ngabil. Lalim kaayo ang gibati ni Fred kay misukol kaniya si Grace og hinagkanay. Nag-ukobay dayon ang ilang mga ngabil ug sa ilawom nagdakpanay ang ilang mga dila. (Sumpayan pa)