Ang silahis

Gula 9

Human sa makabuhong nga kumbati sa kama nila ni Jack ug Fe Marie, gisubli pa g’yud nila ang paghimo sa makapalipay apan makapakapoy sa kalawasan nga pagparayganay.

Buhong kaayo sa kalipay sila si Jack ug Fe Marie human sa ilang romansa. Naligo si Jack kay nakahukom siya nga manglakaw ug si Fe Marie kay aron adto na lang sila mangaon sa gawas.

Nagkurog na siya hapit sa kagutom kay wala siya’y pamahaw ug paniudto.

“Nganong naligo ka man dayon Jack, wala ka ba mahadlok sa giingon sa uban nga maensoyan ka tungod kay gikan ka sa kumbati sa kama?” nagpahiyom si Fe Marie nga nangutana ni Jack.

“Ayaw pagtoo nianang sulti sa mga karaang tawo Fem. Kana bitaw’ng mga boksidor human sa ilang practice maligo man dayon na sila,” dali nga tubag ni Jack samtang padayong nagpatungod sa tubig.

Ang kaganina tugsoy kaayo nga armas karon daw sa gikapoy na kaayo kay nagdungo na lang kini tungod sa kabugnaw sa tubig. “Luoya god tan-awon anang pikoy nga daw nagsugmoy Jack,” komedya ni Fe Marie.

Didto sila nangaon sa usa ka kan-anan sa SM City. Samtang naglingkod sila si Jack ug Fe Marie sa lamesa nga nagpaabot nga isilbi na kanila ang ilang giorder, nalantawan ni Jack si Kerby nga didto sa unahan.

May kauban si Kerby nga usa ka babaye. Dali nga gikuha ni Jack ang iyang sunglasses gikan sa iyang clutch bag ug gisul-ob aron dili dayon siya mailhan ni Kerby.

Mauwaw siya nga makig-atubang ni Kerby tungod sa nahitabo kanila sa miaging gabii.

Gibasolan pag-ayo ni Jack ang maong hitabo. Wala siya makasabot niadto sa iyang gibati kang Kerby ug giisip niya kadto nga usa ka pagpakabuang.

Pagka-ugma, mi-report na sa trabaho si Jack. Miadto kaniya si Kerby nianang pagka hapon ug mi-follow up sa iyang application.

Pagkagabii, nahukman ni Jack nga magpa-assign siya sa ilang branch office sa Davao City ug gigamit niya ang rason nga taga didto si Fe Marie nga nahukman niyang pangasaw-on.

“Mas maayo hinoon nga adto ka na madistino sa Davao Jack kay taga didto man g’yud ko,” matud ni Fe Marie nga nalipay kaayo sa gipahibalo kaniya ni Jack dihang gibisitahan niya kini sa boarding house.

Gibug-os ni Jack nga dili na gayud niya patolan pa ang saag nga pagbati nga kalit lang mitukbil sa iyang dughan dihang nahimamat niya si Kerby nga usa ka ambongan nga lalaki.

Gigakos ni Jack si Fe Marie ug sa makausa pa giligo na usab niya og mga hawok. Miinit na usab ang ilang romansa ug namatngonan na lang ni Fe Marie nga gianam-anam na usab ni Jack og hukas ang iyang mga sapot. (Katapusan)