Dakbayan sa Sugbo
Naila na sa iyang mga kahigalaan si Donald nga maid killer. Ubay-ubay nang mga katabang sa panimalay ang nabiktima sa iyang mga pasalig nga mangasawa aron lang makuha ang iyang tuyo nga pagpahimus sa ilang kahuyang.
"Nganong hilig ka man kaayong manguyab og maid bai Nald?" sukot ni Philip nga iyang higala usa ka adlaw niana.
"Maayo man gud nang mga katabang sa panimalay Phil kay wa kaayo ko'y kompetinsya. Tungod kay wa kaayoy ganahan nila, sagad akoy makauna sa pagbuak sa ilang pakwan," tubag ni Donald nga nagngising mipasiatab sa iyang higala.
"Mao ba? Morag sakto ka bai Nald, da."
"Sakto mo lang. Gawas nga ako ang makauna sa pagdimdim sa ilang katam-is layo pa gyud ko sa kakuyaw nga makakuha’g sakit sa babaye sama sa herpes, gonorea o HIV ba hinoon." Pahayag ni Donald.
Usa ka adlaw niana, nakabalita si Donald nga may bag-ong katabang babaye ang ilang silingan.
"Tinuod ka bai Philip nga bag-o nang katabang sila si Katrina?" sukot ni Donald nga mahinamon.
"Migawas naman gud tong ilang unang katabang nga medyo edaran na kay gipapauli sa iyang anak nga bag-ong naminyo. Gipangitaan na lang silag ipuli nga bata-bata pa."
"Pila kahay edad anang gipuli bai Phil? Di ta mapriso kun iapil na siya nako's lista sa akong natamnan og muhon?"
"Kun wa ko masayup bai, sa akong tan-aw morag hapit na motreynta anyos. Arangan ra bag hitsura Nald." Ni Philip pa nga gipaganahan sad og estorya ang higalang atsay killer.
Nahimamat gyud ni Donald si Maricel, ang bag-ong maid sa ilang silingan. Wa magdugay ug nagkauyab ang duruha kay humok man sad diay og ilong bayhana.
"Sugot na bay, uyab na mi ni Maricel," pasigarbong balita ni Donald ngadto kang Philip sa dihang nagkita ang duruha.
"Biliba jud nako nimo Nald, oy. Unya, kanus-a man nimo ilubong ang muhon timaan nga hingpit na gyud nimo siyang maangkon?"
"Makabalita lang unya ka sunod natong kita Phil. Suginlan nya tika kun maayo ba moda og kombati sa kama nang bayhana," nagngising tubag ni Donald.
Paglabay sa pipila ka adlaw, nagkita pag-usab ang managhigala.
"Musta na bai Donald? Grabe tingaling kombati mo kay nagkaang-kaang man kang naglakaw?" timbaya ni Philip sa dihang nagsugat ang duruha.
"Grabeng modag kombati bai. Pina-helicopter pa gani. Hapit na gud masyakoy ang akoa. Daghan naman diay ang nakauna nako. Ang nakapait kay ... "sugilon ni Donald nga subo ang panagway.
"Kay unsa bay?" mahinamong sukot ni Philip.
"Gaayo lang diay ang iyang hitsura pero ang ilawom sa iyaha naay deperinsya. Gitakdan ko's iyang sakit bai. Silbedora diay ang kanahan sa may pier sa wa pa makasud og katabang. Waaa!" ni Donald pa nga labihang hilak samtang nagtapion sa iyang kargada. (Katapusan)