Ang kapalaran

Gula 6

Gitug-anan ni Roger si Christy nga dugay na kini niyang gipangita.

“Nahadiin-diin na ako pagpangita kanimo Christy human sa among panagbuwag ni Carmel. Nasakpan nako nga magkita diay gihapon sila ug ang kanhi niya hinigugma bisan og minyo na kami,” pasabot ni Roger.

Sayod si Roger nga siya ang unang lalaki sa kinabuhi ni Christy, dili sama ni Carmel nga ikaduha na lang siya ug nahibaw-an niya kini human na sa ilang kaminyooon.

Isip tinun-an sa kursong abogasiya, nasayod si Roger nga ang pagpamakak ni Carmel nga usa pa gihapon siya ka birhen, basihanan kini nga mahawad-an na siya og pagsalig ug mahimo kini nga gamiton sa pakigbuwag.

Maayo ang panagbuwag nila ni Christy ug Roger kaniadto kay gipasabot man g’yud ni Roger ang hinigugma sa sitwasyon. Karon, buot na ni Roger nga tiwason ang naputol nila nga relasyon.

“Dili na ako angay kanimo Ger, may lain nang lalaki nga nakaangkon kanako human kanimo,” subo nga saysay ni Christy sa iyang kaagi, apan wala kini hatagi og gibug-aton ni Roger.

“Wala kana’y bali kanako Christy. Ang mahinungdanon nga kita ang magkadayon ug magpuyo kita ubos na sa bag-o nga sugilanon sa atong kaagi. I still love you Christy,” hugot nga gigunitan ni Roger ang kamot sa dalaga.

Wala na tuguti ni Roger nga makasayaw pa pagbalik si Christy ug hinoon giagni na kini nga manggawas sila sa Sanciangko’s Wildflower. Wala na makabalibad si Christy kay sa tinuod, nagpabilin pa ang iyang gugma kang Roger.

Giduol ni Christy si Boss Wendell ug gipasabot. Dayon gipaila-ila ni Christy si Roger ngadto sa tag-iya sa bar.

Walay nahimo si Wendell gawas sa pagpig-it na lang sa kamot sa dalaga, dungan sa paglitok og salabtunong mga pulong. “Thank you kaayo ha Christy.” Igo na lang mipahiyom si Christy ni Wendell.

Giubanan ni Roger si Christy sa giabtan niini nga boarding house aron hipuson ang iyang mga sapot kay mopauli na sila sa ilang probinsya sa Bohol inigkaugma.

Apan didto sa boarding house sa dalaga, gitagay nila pagbalik ang dugam-is sa naputol nilang pagminahalay.

Bongga kaayo ang kumbati tali kanila ni Roger ug Christy kay matag usa kanila naghambin man og tinuoray’ng pagbati.

“Hugot gihapon kaayo ang ganghaan sa langob Christy,” matud ni Roger samtang nagkapaspas ang pagsulod-gawas niya sa kweba ug dayon gihumol niya sa kinahiladman ang hilabihan katikig nga armas samtang iyang gibatyag ang talagsaong kainit sa ilawom.  (Katapusan)