Walay kamatayon ang gugma
CEBU, Philippines - “U-unsay atong panagsultihan, Sis?” Gisukit ni Jody ang manghod.
“Bahin kang Randy?” Maoy tubag ni Megan.
“Nga-ngano man diay?”
“Dugay na ba kamong nagkaila?”
“Oo. Kapin na sa usa ka tuig. Negosyante siya’g realty. Nagkaila kami sa dihang may exchange deal ang among kompaniya sa iyang kompaniya.”
“Ug mao kadtoy hinungdan nga nagkasuod mo?”
Igo lang miyango si Jody.
“Unsa siya sa imong kinabuhi karon?” Laing pangutana ang gipasupot ni Megan.
“Nga-nganong nakapangutana ka man niana?” Misumbalik sa pagpangutana si Jody.
“Gusto lang kong masayod,” ni Megan. “Imo ba siyang boyfriend?”
“Oo,” mubong tubag niJody. “Ngano man diay?”
“Wala lang,” mibathay sa mga ngabil ni Megan ang balbangaan nga pahiyom. “Belib lang ko nimo, Sis. Makamao ka gyud diay mamili.”
“Nganong nakasulti ka man og ingon niana?”
“Tungod kay guwapo si Randy. Bisan first time ko pa siyang nakita ug gikasulti apan nakaseguro ko nga usa siya ka perfect gentleman. Maayo gyud nimong pagkapili tungod kay wala man mosigay si Daddy kaniya.” -- Sumpayan pa
- Latest
- Trending
