Ang chick boy

Gula 2

Daw mga managhinigugmaay sila si Philipp ug Gemini nga nag-date didto sa maong rest house nga nahimutang daplin sa dalan. Paniid nila, walay nag-atiman sa rest house kay abugon na man ang sawog nga kawayan.

“Wala ka ba kaha pangitaa karon sa inyo Gemini nga nagabhian ra ba kita pagpauli? Layo pa raba g’yud kaayo ang dakbayan,” matud ni Philipp.

“Mao lagi. Sige dalia na paghurot kanang imong gikaon nga sweet corn,” dali nga tubag ni Gemini.

Apan ang tsikboy nga si Philipp dunay nahuna-hunaan. Dihang nanakay na sila pagbalik sa motor aron mopadayon na sa ilang biyahe balik dinhi sa dakbayan, gidali pagtangtang ni Philipp ang cord wire sa spark plug sa motor.

Kipakita niya kang Gemini nga bisan og giunsa niya pagtindak ang kick start pedal, dili g’yud moandar ang motor.

“Dimalas uy. Magpabilin lang g’yud kita dinhi Gemini kay may kapahuwayan pa kita pananglit mag-uwan,” iyang giingnan ang nagpabiling nagpakahilum. Mibalik sila sa payag.

Nagkalingaw na lang sila pag-estoryahanay apan nabantayan nila nga mianam na kabugnaw ang panahon. Daw gihapohap na ang ilang kalawasan sa gabon nga misugod na paghakop sa kabukiran.

Misugod na pag-andar ang pagka tsikboy ni Philipp. Wala na usab moreklamo si Gemini nga gigakos siya paghinay-hinay sa radio reporter kay ang gakos ni Philipp nakahatag kini kaniya og kainit sa kalawasan.

“I Love You Gemini,” matud ni Philipp dayong hawok niini sa dalaga. Giukoban na gayod ni Philipp ang mga ngabil sa dalaga ug misugod na ang iyang mga kamot sa pagpanghiram sa kalawasan sa babaye.

Kini maoy hinay-hinay nga nakapahaling og kainit sa ilang kalawasan. Misukol na si Gemini sa pakig-ukobay sa ngabil ni Philipp.

Abtik nga gibukhad ni Philipp ang iyang dala nga jacket ngadto sa kawayan nga sawog sa rest house ug gipahigna si Gemini. Gipadayon niya ang pagromansa sa gwapa. Naghinam-hinam ang tsikboy nga reporter pag-angkon sa pagkababaye ni Gemini.

Walay makatugaw kanila kay sila ra didto sa maong dapit taliwala sa grabeng kamingaw na sa kagabhion.

Gihakop na usab sa grabeng kahinam si Gemini kay wala na siya mobalibad nga gisugdan pagpangtang ni Philipp ang gisul-ob niyang sapot. Wala maglisud si Philipp kay luag nga T-shirt ug short ang gisul-ob ni Gemini.

Walay hunong ang pagromansa ni Philipp sa dalaga. Wala nay tabon ang duha ka tugsoy kaayong bukid sa dughan sa dalaga ug ang nahabilin mao na lang ang tabon sa labing importanteng bahin sa iyang lawas. (Sumpayan pa)