Lovers in Pari-an

 Gula 89

“Nganong gipatawag ka man ni Atorni, Bongkoy?” Laing pangutana gipasupot ni Rosalinda. “Gikasab-an ka ba niya?”

“Wa man,” mubong tubag sa ulitawo.

“U-unsa man diay inyong gipanagsultihan?”

“Gibaoran ko niya.”

“S-sa unsa?”

“Nga dili na makigkuyog nimo sa pagpanglakaw.”

“U-unsa?”

“Mao kana, Ros. Di na siya gustong magkuyog ta. Di na gani siya gustong makigsulti ko nimo.”

“Grabe na man sab.”

“Mao na kini ang giingon ko kanimo, Ros, nga sa kadugayan mahimo gayod nga hulga sa atong pagminahalay si Atty. Gumera. Ug karon nahitabo na gyud. Gihikawan na kita niya nga magkaduol. Niining iyang gibuhat, sama ra nga iyang gihikawan ang kagawasan sa atong gugma.”

Wala motingog si Rosalinda. Wala siya magdahom nga moabot kining maong higayon sa relasyon nila ni Bongkoy -- nga may tawo nga maghulga sa katim-os sa ilang pagminahalay sa usa’g-usa. -- Sumpayan pa