Resulta paggamit og goat's eye

Gula 5

Wala magtoo si Rolly nga ang boring nga gidala sa higala niyang bugaw mao ang iyang asawa nga si Emma.

Pareho silang duha nga nahimong daw amang sulod sa pipila ka segundos. “Emma, nganong nagbaligya ka sa imong pagka babaye?,” gibuak ni Rolly ang kahilom.

Naghilak si Emma nga milingiw. “Kapit patalim na lang ning ako Rol para mabuhi. Wala na ko’y laing kapaingnan human kita magkabuwag.”

Pinangga kaayo ni Rolly si Emma. Wala magdugay ang ilang relasyon kaniadto ug iya dayon kining gipakaslan. Gigamitan usab niya kini kaniadto og goat’s eye panahon nga sila magtagay sa kalipay.

Usa ka higayon, nag-half day ra si Rolly sa iyang trabaho kay nagkalibanga siya, apan naabtan niya ang asawa nga may gikaubang laing lalaki sa ilang lawak apan nakalukso kini sa bentana.

Gibun-og pag-ayo ni Rolly si Emma niadtong higayuna ug gipalayas. Paglabay sa pipila ka buwan, gibati niya ang grabeng kamingaw sa asawa apan wala na niya kini makit-i.

“Milarga ko niadto sa Manila tungod sa kauwaw. Didto sa Manila nakahimo ko og dugang sala kanimo Rolly,” naghilak si Emma nga misaysay sa iyang kaagi. “Nagsugod kini tungod sa grabeng kahinam sa pakighilawas samtang wala ka sa balay,” matud ni Emma.

Nahuna-huna ni Rolly nga tingali ang paggamit niya kaniadto og goat’s eye sa iyang asawa maoy nakatukmod niini nga makasala tungod sa grabeng kahinam sa seks.

Karon sa ilang panagkita, buot ni Rolly nga kalimtan ang panghitabo sa ilang kinabuhi ug magbag-o sila sa ilang relasyon. Hinay niya nga giagbayan ang nagbakho pa nga asawa ug mapinanggaon kini nga giromansa.

Usa’g-usa kanila nangayo’g pasaylo ug gisugdan nila pagtagay ang kalipay. Gimingaw kaayo si Rolly sa iyang asawa nga tinuod, daw lapyo pa kaayo ug nagpabilin ang kaanyag ug seksi nga lawas.

Gisubli-subli nila ni Emma ug Rolly ang pagtagay sa kalipay sa makaduha ka higayon sulod sa ilang short time sa motel. “Kalimtan na nato ang nanglabay Em. Ibaligya nato ang atong balay ug mamalhin ta og laing lugar nga walay nakaila kanato,” matud ni Rolly.

Nanggawas sila sa Q2 motel. Pagsirado ni Rolly sa kwarto sa motel, gilantaw niya ang baso nga gihumolan niya sa goat’s eye nga didto niya sekretong gibutang luyo sa TV set. Nakasaad siya nga dili na mogamit niini sa iyang asawa. (Kataposan)