Daw sa makapabuang

Gula 3

Dihang nakasulod na sa compound sa Q2 Motel ang kotse, may roomboy dayon nga misinyas kun asa ang bakante nga kwarto. Dunay grahe ang kwarto nga gipili ni Roel aron nga dili ma-display ang iyang awto kay peligro na kun dunay makakita nga makahimongawong sa iyang sakyanan.

“Short time ra Sir,?” gisukna sa batan-ong roomboy si Roel human gitunol ang yawe sa kwarto. Wala na motan-aw ang roomboy sa sulod sa sakyanan kay gamay ra man ang pag-abli ni Roel sa bentana sa kotse. Wala na makit-i nga duha ka babaye ang dala sa ilang customer.

Dihang nakabiya na ang roomboy ug nasirad-an na ang grahe, nanganaug dayon sila si Roel. Gipauna niya pagsaka sa hagdan paingon sa kwarto sa taas ang duha ka batan-ong gwapa. Gihapuhap pang Roel ang hawak ug sampot ni Nancy samtang nag-una kini kaniya pagsaka sa hagdan.

Giyawehan ni Roel ang siradora ug dihang nabukas na ang pultahan, si Claire na ang mipasiga sa suga, samtang si Nancy mipaingon sa air-conditioning unit ug gipaandar ang air-con. Gihubo ni Roel ang iyang sapatos pinaagi lang sa iyang tiil ug una kini nga mihigda sa hunol-hunol nga kama.

Si Claire mi-switch on sa TV set ginamit ang remote control. Nakurat ang duha ka batan-ong babaye kay maoy napunting dayon sa ilang panan-aw ang salida sa screen diin ang usa ka lalaki gitabangan og duha ka babaye sa usa ka sex encounter.

“Hala! Ka weird ana uy! Grabeha,” dali nga namahayag si Nancy samtang nagtan-aw sa salida. Nagpakahilom lang si Claire nga mitan-aw sa kumbati.

Gipunit ni Roel ang intercom kilid sa kama ug mi-order siya’g ilang mainom. Suheto g’yod si Roel kay dili beer ang iyang gi-order para kaniya kun dili mineral water ra samtang juice usab ang gi-order sa duha ka gwapa. 

Samtang nagkalingaw sila’g tan-aw sa salida, hilom nga may gikuha si Roel sa iyang bulsa. Usa ka food supplement nga gipalit niya’g P250 aron paghatag kaniya og malungtarong kaabtik. Iya kining giinom nga wala makabantay ang mga gwapa.

Dayon hinay-hinay niyang gihimas-himas ang kalawasan ni Nancy dayon gihagkan sa ngabil. “Pagkatam-is g’yod ning lapyo pa kaayo nga chicks uy,” tuaw ni Roel sa iyang kaugalingon.

Wala lang magtagad si Claire. Nagpadayon siya pagtan-aw sa salida. Apan ambot nadutlan na tingali sa kahinam sa gitan-aw niyang kumbati didto sa TV monitor, milingi kini sa iyang kauban nga giayo na pagromansa ni Roel. (Sumpayan pa)