Daw sa makapabuang

Hinay nga gitungab ni Roel ang usa ka botelya sa bugnaw kaayo nga beer samtang wala siya’y pupamilok nga misud-ong sa mga dancers sa Sanciangko’s Wildflower nga nagbanos-banos pag-perform didto sa stage.

Ingon g’yod niini ang sagad niyang himoon matag Sabado sa gabii human sa usa ka semana nga kapoy kaayong pagtrabaho. Kay ulitawo lagi, bahala na’g mabuntagan kay wala may trabaho inigka-ugma.

Arang-arang og sweldo si Roel kay regular na man siyang kawani sa Kapitolyo mao nga sagad g’yod nga dugokon siya sa mga chicks kun makit-an na siya nga misulod na sa imnanan.

Dugay na siyang suki niining maong imnanan nga karon nagbag-o na og management, nga gihinganlan na og Sanciangko’s Wildflower. Gipili ni Roel ang lamesa nga didto mahimutang sa ngitngit nga bahin, aron dili kaayo siya makita.

“Maayo rong gabhiona da kay daghang mga bag-o ug gwapa nga dancers,” giingnan ni Roel ang usa sa mga waiter.

“Lima na sila nga bag-o Sir ug ganina pa g’yod na gidawat ni Boss Wendel. Giobserbahan pa na sila kay kun dili maayo nga mo-perform, dili usab na magdugay,” abtik nga tubag sa waiter ngadtong Roel.

Nabantayan ni Roel nga duha sa bag-ong dancers mga mamolds kaayo. Iyang gisinyasan ang waiter nga gusto niyang itibol ang duha mao nga human makailis, taud-taud kadtong naibgan ni Roel miduol na kaniya.

Gipahatagan ni Roel og ladies drink ang duha ka gwapang dancers kinsa gisinyasan sa floor manager nga patung-an nila ang ulitawo. Maayo g’yod mamili si Roel og lugar kay dapit kini sa kinaluyohan ug ang ilang gilingkoran nasalipdan sa lamesa.

Nakonpirmar g’yod ni Roel nga karon lang gabhiona nagsugod pagtrabaho sa bar kining iyang gikatibol. Pulos taga barangay Lorega-San Miguel sila si Nancy ug Claire.

Dayon dunay lalaki nga miduol sa lamesa ni Roel. Gikulbaan si Roel kay abi niya’g gikasuyaan siya kay duha man ang iyang gitibol, apan ang tag-iya diay sa bar nga si Wendel ang miduol.

“Pre, ikaw man diay na,” timbaya ni Wendel kang Roel. Suod nga higala sila si Roel ug Wendel, bisan kaniadto nga ang amahan pang Wendel ang nagdumala sa ilang bar kaniadto.

Gihunghongan ni Wendel ang mga babaye nga ipalingaw og maayo ang lalaki nga ilang gikatibol. Buot ni Wendel nga malingaw g’yod ang iyang kumpare. (Sumpayan pa)