Idlas ang katumanan sa gugma

Gula 44

“Dili ko molalis, niana, Lonia. Apan it could be the other way around.”

“Unsay buot mong ipasabot?”

“Truth is stranger than fiction, Lonia. Ug may paagi ko aron imong masabtan kun unsa kini.”

“U-unsa ang maong paagi?”

Wala motingog si Rev. Mahinamon si Lonia nga nagpaabot sa tubag niini. Apan nakalitan siya dihang kalit lang giukoban ni Rev sa paghalok ang iyang mga ngabil.

Milugnot si Lonia. Gusto niyang makalingkawas gikan kang Rev. Apan hugot kaayo ang paggakos niini kaniya samtang ang mga ngabil niini miukob pag-ayo sa iyang mga ngabil.

Nagpadayon ang pagpanglugnot ni Lonia. Apan dili siya makapiog sa kusog ni Rev. Buot niyang ilikay ang iyang ngabil gikan sa ngabil sa ulitawo apan dili siya makahimo. Giukoban gayod pag-ayo sa ulitawo ang iyang ngabil.

Sa kadugayan, inanay nga nabatyagan ni Lonia ang pagpanguyamang sa talagsaong kalalim sa iyang kalawasan. Nagkahinay ang iyang paglugnot. Gipiyong na lang niya ang iyang mga mata. Ug mao na lamay iyang naamgohan nga ang iyang dila nakigtigi na sa dila ni Rev.

Milunga si Rev sa paghalok kaniya. Ug nagkatawa kining mipalayo. Gihinay usab ni Lonia sa pagbuka ang iyang mga mata.

“Bastos!” Singhag ni Lonia sa dihang gibalikan na siya sa kahimatngon human sa kadiyot sa pagkaanod sa lalim nga pagbati. -- Sumpayan pa