Lovers in Pari-an

“Kadali ra man lagi ka?” Sukit sa hamtong babaye.

“Dali ra kay wa man ko maglisod pagtultol sa post office,” tubag ni Rosalinda. “Nakaokasyon pud ko’g sakay ni Bongkoy pauli nganhi. Gipabalik siya ni Atty. Gumera kay may nakalimtan kuno kini. Siya’y gipakuha.”

“Unsa man kunoy nakalimtan ni Atorni?”

“Ambot lang.”

“Hahay,” nakapanglingo si Tasing. “Tiguwang na gyud kay limtanon na man.”

Wala motubay si Rosalinda sa gisulti ni Tasing. Mipalain siya.

“May motubay si Rosalinda sa gisulti ni Tasing. Mipalain siya.

“May gikahibudngan lagi ko ni Bongkoy kaganina, Nang,” niya pa.

“Unsa man?” Sukit sa hamtong.

Gisuginlan ni Rosalinda si Tasing sa nahitabo.

“Ngano man kaha nga iya man kadtong gibuhat?” Nakapangutana si Tasing.

“Ambot lagi, Nang,” ni Rosalinda pa. “Nahibuwong gyud ko pag-ayo.”

“Wa kaha na siya maka-like nimo, Day?”

“U-unsa?”

“Basin ba'g naigo sa pana ni kupido ang kasingkasing ni Bongkoy sa paghigugma kanimo?”

“D-di tingali, Nang, uy.”

“Giunsa mo man pagseguro nga dili kana ang hinungdan?” -- Sumpayan pa