Manag-uyab sila si Marlon ug Nene. Usa pa ka semana ang ilang relasyon. Dako ang pagsalig ug pagtuo ni Marlon nga molungtad gayud ang ilang love affair. Wala gayu’y panganod sa pagduhaduha ni Marlon nga may dautang mahitabo kanila sa umaabot.
Kanunay'ng magbisitahan si Marlon sa balay ni Nene. Sanglit gusto ni Marlon nga malipay kanunay ang iyang uyab, magdala gyud siya’g gasa pirme niini.
Nanglabay ang mga adlaw. Unya usa ka higayon niana, sa dihang nahitangka na si Marlon diha sa porch ni Nene...
Hilabihang panglurat sa mga mata ni Marlon sa nakita niya -- nag-ukob ang mga ngabil ni Nene ug sa usa ka lalaki!
Dihadiha, daw midat-og ni Marlon ang kalibotan sa tumang kaguol!
"Wa gyud ko magdahom nga mao kini ang buhaton ni Nene kanako ... Gatuo ko nga tiunay ang iyang gugma. Pagka way suwerte nako! Ang akong gugma nga wagas unta, nahimo na lang usa ka gugma nga gitiawtiawan ... Pastilan!" (Kataposan)