Idlas ang katumanan sa gugma

Gula 6

“Mitambong ka gyud diay?” Sukit ni Greta nga mitutok pag-ayo kaniya.

“Oo,” ni Lonia pa. “Sakit kaayo, Ate...”

Ug wala na gayod makapugong si Lonia. Mihilak siya. Gipahungaw na gayod niya ang tanang nagpuot sa iyang dughan.

Miduol si Greta kaniya ug gigakos siya niini. Migakos usab siya sa iyang maguwang. Gihapuhap ni Greta ang iyang bukobuko samtang wala pa molunga ang iyang pagbakho.

“Wa na lang unta ka moadto sa simbahan,” ni Greta pa dihang ingon sa milurang na’g diyotay ang iyang pagbakho. “Di unta ka sakitan pag-ayo.”

“Sagdi lang, Ate,” ni Lonia pa “Mao na kadto ang kataposan nakong pagpakita kanila.

“U-unsay buot mong ipasabot?”

“I’ll quit teaching.”

“W-what?”

“Yes.”

“P-pero nganong imo man kanang buhaton? Nganong iangin man nimo ang imong propesyon sa kapakyasan sa imong gugma?”

“Wa na ko’y ganang mo-practice sa akong propesyon, Ate. Di ko gustong makakita nila ni Alex ug Chona nga malipayon sulod sa school campus ug usa na ka magtiayon.”

Mahimo man nga magpabalhin ka sa laing eskuylahan aron dili mo na sila makita?” -- Sumpayan pa