Ang Impiyerno ni Belen - 2

Gula 119

Mas nakapabor si Carter kay kang Galen sanglit managsilingan ra man kami. Kadali ra siyang makasulod sa balay nga akong gipuy-an sa higayon nga magkinahanglan siya sa lawasnong kalipay.

Sa makadaghang higayon, naangkon ni Carter ang akong pagka-babaye. Hangol si Carter sa unodnong kalipay, kaha tungod kay dugay na man siyang nalutas niini -- sukad namatay ang iyang asawa.

Dihay higayon nga diriyot mag-abot sila si Carter ug Galen sa balay nga akong gipuy-an. Igo lang nakabiya si Carter sa balay, nahiabot usab si Galen.

Pero wala magdugay ang relasyon namo ni Carter. Usa ka buntag niana, napalgan na lang siyang patay sa among mga silingan. Gituohan nga bangungot ang iyang gikamatyan. Ang iyang anak gikuha sa iyang mga ginikanan ug gidala ngadto sa probinsiya.

Milabay ang kapin sa usa ka tuig...

Giabot ko’g kabalaka. Nahibulong ko kay wala na man makapadala og allotment nako si Roger. Wala ko’y ideya kun nganong kalit man lang naputol ang pagpadala niya kanako og kuwarta.

Niini, naghimo ko’g pakisusi. Akong nasayran nga may asawa ug usa ka anak diay si Roger didto sa Samar. Midangop ang iyang asawa sa korte aron pagpangayog suportang pinansiyal gikan kaniya. -- Sumpayan pa