Ang Impiyerno ni Belen - 2

Gula 115

Tugob sa kainit ang among lawasnong panagtagbo. Pareho ming gibati og katagbaw dihang nagkadungan mi’g sangko sa kinapungkayan sa himaya.

“Wa pa nimo tubaga ang akong pangutana,” giingnan ko si Galen human sa among pagtagay sa lawasnong kalipay. “Unsay imong problema?”

“W-wa na ko’y trabaho, Belen,” laktod nga tubag ni Galen.

“U-unsa?”

“Mao kana. Gitangtang ko sa akong trabaho. Nasakpan man gud kong naghingos og shabu sulod sa among buhatan.”

Naapektohan gyud ko sa problema ni Galen kay dihang wala na siya’y trabaho, nagsige na man siya’g pangayo og kuwarta nako.

Paglabay sa kapin sa usa ka bulan, wala na mangayog kuwarta si Galen nako. Nakamatikod kong kuwartahan na siya kanunay. Nakuryoso ko niini maong gipangutana ko siya kun unsay bag-o niyang raket.

“Drug pushing,” laktod niyang tubag.

“Di ba delikado man nang trabahoa?” Giingnan ko siya.

“Kulba gyud. Pero dali rang kuwarta.” -- Sumpayan pa