Apan ang mga motoristang nahiagi ingon sa pulos nanagdali. Misulay ko’g pangayog tabang sa mga driver ug konduktor sa mga PUJ nga miagi sa akong tungod apan igo lang ko nilang gibugalbugalan. Nakasabot kong mas importante alang nila ang ilang pagpamasahero.
Sa kadugayan, nalantawan ko ang usa ka sakyanan sa polis nga nagdangadanga. Gisulayan nako’g para. Nihunong kini sa akong tungod. Nanaog ang polis nga maoy nag-drive sa sakyanan. Wala siya'y laing kauban. Miduol dayon siya sa akong nahimutangan duol sa akong sakyanan.
“May problema ba, Miss?” Gipangutana ko sa polis.”
“Mamalihog unta ko, Sir,” giingnan ko ang polis. “Nahiyosan og ligid ang akong sakyanan.”
Nakasabot dayon ang polis sa akong tuyo niya. Dihadiha nangita siya’g tools. Gipagawas dayon nako ang mga gamit sa pag-ilis og ligid sa sakyanan. Ang polis nay nagkuha sa reserbang ligid. Ug gisugdan dayon niya ang pag-ilis og ligid sa akong sakyanan.
“Daghang salamat, Sir,” giingnan ko ang polis dihang nakahuman na siya’g ilis og ligid sa akong sakyanan. -- Sumpayan pa